Isaías 54:16 - Q'eqchi Bible

¹⁶ “K'e reetal, laa'in xinyoob'tesink re laj tenol ch'iich', li na'apunk re li ru xam ut naxyiib' li ch'iich' nak'anjelak chiru; laa'in ajwi' xinyoob'tesink re li winq aj sachonel re naq taasachoq ut taajuk'uq.

Li Santil hu

¹⁶ La̱in quinyi̱ban re laj tenol chꞌi̱chꞌ ut aꞌan naxloch lix xam ut naxyi̱b li chꞌi̱chꞌ re pletic. Ut la̱in ajcuiꞌ quinyi̱ban reheb li cui̱nk li nequeꞌcamsin.

Isaías 54:16 ပူးပေါင်းရင်းမြစ်များ

Proverbios 16:4

Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Isaías 46:11

Sa' xjayal releb'l saq'e xinb'oq chaq jun li winq, li taachalq chaq sa' jun najtil tenamit jo' li t'iw ut tixb'aanu chixjunil li wajom. Ak jo'kan xinye, ut jo'kan tinb'aanu; kama'an xink'uub', ut jo'kan naq taa'uxmanq.

Isaías 10:15

Ma nim tab'i' xwankil li maal chiru li nach'e'ok re? Ma nanumtaak tab'i' li setleb' che' chiru li na'eek'asink re? Chanchan tawi' naq li xuq' nataqlank sa' xb'een li nach'e'ok re, kama' tawi' naq li che' na'eek'asink re li winq.

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

1 Samuel 13:19

Maak'a'eb' aj tenol ch'iich' sa' chixjunil xsutam Israel, xb'aan naq eb' laj Filistea ink'a' neke'raj naq eb' laj Hebreo te'xyiib' ch'iich' re yalok.

Isaías 54:15

Wi wank junaq li taaraj numtaak sa' aab'een, moko intaql ta chik laa'in; ut wi wank junaq li taachalq chi yalok aawik'in, chawu ajwi' laa'at toxpik'a rib'.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Zacarías 1:20

Chirix chik a'an li Qaawa' kixk'ut chiwu kaahib'eb' aj tenol ch'iich'.

Zacarías 2:1

Kintaqsi wi' chik li wilob'aal ut kiwil sa' moy u jun li winq wank jun k'aam re b'isok sa' ruq'.

Zacarías 2:4

ut kixye re: “Ayu sa' aanil chi aatinak rik'in li winq a'an ut ye re: «Jerusalén taatenamito'q wi' chik; ut xb'aan xk'ihaleb' li poyanam ut ketomq li te'tamq aran, maak'a'aq chik li xsuttz'ak.