Isaías 54:1 - Q'eqchi Bible

¹ Jap aawe xb'aan xsahil aach'ool, at ma'al ixq li maajuneb' laawalal aak'ajol. B'ichan chi sa sa' laach'ool, laa'at li maajun sut xat-alank, xb'aan naq li Qaawa' kixye chi jo'ka'in: “Q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Li Santil hu

¹ Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

Isaías 54:1 ပူးပေါင်းရင်းမြစ်များ

Gálatas 4:27

xb'aan naq naxye li Santil Hu: “Chisaho'q sa' aach'ool, at ixq li ink'a' nakat-alank, li maak'a'eb' aawalal aak'ajol. Jap aawe xb'aan xnimal xsahil aach'ool laa'at li ink'a' nakanaw xrahil alank, xb'aan naq q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Isaías 62:4

Ink'a' chik taayeemanq aawe: “Tz'eqtaananb'ilat”, chi moko taak'ab'a'in chik: “Sachalk na'ajej”, taayehe'q b'an aawe: “Aj k'ojob'anel inch'ool”, ut laach'och' tixk'ab'a'in: “Ixaqilb'ej”. Xb'aan naq li Qaawa' tixk'ul tz'aqal xch'ool aawik'in ut laach'och' taak'ame'q jo' jun ixaqilb'ej.

1 Samuel 2:5

Li xe'xb'ut xsa'eb' yookeb' chi k'anjelak anaqwan chirix li xwaheb', ut eb' li te'tz'okaaq ink'a' chik neke'xtawasi rib'eb'. Li xma'al ixq wuqub' sut x'alank, ut li naab'aleb' xkok'al yo chi tixk anaqwan.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Salmos 113:9

Naq wank junaq ixq li maak'a' xkok'al, naxk'e xjunkab'al ut eb' li ralal xk'ajol, jo' na'b'ej li k'ajo' xsahil sa' xch'ool. Aleluya!

Sofonías 3:14

B'ichan, at tenamit Sión. Jap aawe xb'aan xsahil aach'ool, at Israel. Saho'qat chi x'anchalil laawaanm, at Jerusalén.

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Isaías 49:20

Eb' laawalal li xaye naq xe'sachk chawu, te'xye wi' chik sa' laaxik: «Li tenamit a'in q'axal kach'in cho'q qe; k'e jalan chik qana'aj re naq sa toowanq chisa'», cha'qeb'.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Cantares 8:8

Wank jun qanab' toj kach'in, toj maak'a' xtu': k'aru tqab'aanu cho'q re li qanab' a'in sa' xkutankil li tz'aam?

Génesis 21:6

Toja' naq kixye lix Sara: “Li Yos xinxk'e chi se'ek; chixjunil li taa'ab'inq re a'an, taase'eq wochb'een.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Isaías 24:14

Eb' li te'kole'q te'xjap re xb'aan xsahil xch'ooleb' sa' xk'ab'a' li xnimal xloq'al li Qaawa', chalen chaq toj chire li palaw.

Isaías 49:19

Xb'aan naq laatenamit po'lem naq xwank, xjuk'mank ut nakirirnak xkanaak; ab'an anaqwan jwal taakach'ino'q ru xb'aan xk'ihaleb' li wanqeb' chisa', ut eb' li xe'sachok aawe jwal najt chik wanqeb'.

Isaías 66:7

“Jerusalén x'alank naq toj maak'a' xrahilal; xwank jun xk'uula'al teelom naq toj maji' xq'ehil.