Isaías 53:7 - Q'eqchi Bible

⁷ Naq xrahob'tesiik, xkub'si xwankil, chi moko xye jun t'orolaq li raatin. Jo' jun ch'ina karneer ok re chi kamsiik, jo' jun karneer maak'a' naxye naq nab'ese'k li rismal, jo'kan ajwi' a'an ink'a' xte li xtz'uumal re chi aatinak.

Li Santil hu

⁷ Kꞌaxal ra queꞌxba̱nu re, abanan quixcubsi rib chiruheb ut quixcuy chixjunil. Ma̱ jun a̱tin quixye reheb. Chanchan li chꞌina carner oc re chi camsi̱c. Chanchan li carner oqueb re chirisinquil li rix. Ma̱ jun a̱tin quixye.

Isaías 53:7 ပူးပေါင်းရင်းမြစ်များ

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

1 Pedro 2:23

Naq kihob'e'k, ink'a' kisumenk rik'in hob'ok; naq kirahob'tesiik, ink'a' kimajewank, kixq'axtesi b'an rib' sa' ruq' Li naraqok aatin sa' tiikilal.

San Marcos 14:61

A'ut a'an ink'a' ki'aatinak ut maak'a' kixsume wi'. Li xyuwa'il aj tij kixpatz' wi' chik re: —Ma laa'at li Kriist, li Ralal li oxloq'inb'il Yos?

San Juan 19:9

Ki'ok wi' chik sa' li raqleb'aal aatin ut kixye re li Jesus: —B'ar nakatchalk chaq? Ab'an li Jesus ink'a' kichaq'ok chiru.

San Lucas 23:9

Ut kixpatz'i rik'in k'iila aatin, a'ut li Jesus tik ink'a' kixsume.

San Marcos 15:5

A'ut li Jesus tik ink'a' kichaq'ok: k'ajo' naq kisachk xch'ool laj Pilaat xb'aan.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Números 7:27

jun ral wakax, jun chib'aat, jun karneer aj junq chihab', cho'q re li k'atb'il mayej;

Salmos 44:22

ma ink'a' ta raj xk'e reetal li Qaawa', li nanawok chixjunil li wank sa' li ch'oolej?

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Salmos 38:14

A'ut laa'in nintz'apxiki wib' ut ink'a' nawab'i, ninb'aanu wib' jo' li mem, ut ink'a' nin'aatinak;

Salmos 38:15

kama'in li winq li ink'a' na'ab'ink ut ink'a' naxsume ru li nayeemank re.

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.