Isaías 53:2 - Q'eqchi Bible

² Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

Li Santil hu

² Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.

Isaías 53:2 ပူးပေါင်းရင်းမြစ်များ

Isaías 52:14

Jo' naq naab'aleb' xe'sachk xch'ool chi rilb'al naq moko jo' ta chik junaq poyanam ut ink'a' chik nak'utunk li ru xb'aan li rahilal,

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

San Marcos 6:3

Ma maawa' tab'i' a'in laj peech', xyum lix María? Ma maawa' tab'i' a'in riitz'in laj Santiago, laj José, laj Judas ut laj Simón? Ma ink'a' tab'i' wankeb' li ranab' arin sa' qayanq? Ut neke'luktaak xch'ool xb'aan.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

San Marcos 9:12

Kixsumeheb' ut kixye: —Taak'ulunq xb'enwa laj Elías ut tolxk'e wi' chik chixjunil sa' xna'aj; ab'anan chan put ru naq tz'iib'anb'il chirix li K'ajolb'ej naq naab'al li rahilal tixk'ul ut taatz'eqtaanaaq?

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

1 Pedro 2:14

jo' ajwi' chiruheb' laj jolominel, xb'aan naq taqlanb'ileb' xb'aan a'an, re xk'eeb'al chi xtojb'aleb' xmaak li ink'a' neke'b'aanunk re li us, ut re ajwi' xk'eeb'aleb' xloq'al eb' li us neke'xb'aanu.

San Juan 19:5

Toja' naq ki'elk li Jesus chirix kab'l, wank li xkoroon k'ix ut li xkaqi aq'. —Waye' li winq! chan laj Pilaat reheb'.

San Juan 18:40

Toja' naq ke'xjap wi' chik reheb': —A'an ink'a'; a'aq b'an laj Barrabás, chankeb'. Ut laj Barrabás a'an jun xnimal aj elq'.

San Lucas 9:58

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

San Lucas 2:7

ut kiwank li xb'een xk'uula'al, kixb'at sa' t'ikr ut kixsotob' sa' xwa'leb'aaleb' ketomq, xb'aan naq maak'a' na'ajej cho'q reheb' sa' li kab'l.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.