Isaías 53:12 - Q'eqchi Bible

¹² Jo'kan naq tink'e xna'aj sa' xyanqeb' li xninqal ru winq ut tixwotz li sahilal rochb'eeneb' li wankeb' xwankil, xb'aan naq xq'axtesi rib' chi kamsiik ut xk'eemank sa' ajl sa' xyanqeb' laj maak. Relik chi yaal naq xriiqani li xmaak naab'aleb' chi poyanam ut xtijok, x'elajink chirixeb' laj q'etol aatin.

Li Santil hu

¹² Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Isaías 53:12 ပူးပေါင်းရင်းမြစ်များ

San Lucas 22:37

Ninye eere naq tento taatz'aqloq ru wik'in li tz'iib'anb'il chaq sa' li Santil Hu: «Xe'xk'e sa' ajl sa' xyanqeb' li ink'a' useb' xch'ool». Xb'aan naq tz'aqlok re li tz'iib'anb'il chaq chiwix.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

1 Juan 2:12

Nintz'iib'ak eerik'in, ex inkok'al, xb'aan naq kuyb'il sachb'il chik leemaak sa' xk'ab'a' li Jesus.

San Marcos 15:27

Wiib'eb' aj elq' ke'k'ehe'k chiru krus rochb'een, jun sa' xnim uq' ut jun sa' xtz'e uq'.

Hebreos 9:26

Wi ta kixmayeja rib' naab'al sut, tento raj naq naab'al sut kixk'ul li rahilal chalen sa' xk'ojlajik chaq li ruuchich'och'. Ab'an a'an jun sut ajwi' kixk'ut rib', sa' xtz'aqlojik ru li kutan, re xsachb'al xwankil li maak rik'in xmayejankil rib'.

Romanos 8:34

Ani taak'ehoq sa' tojb'amaak? Ma li Kristo Jesus li kikamk, ab'an kiwakliik wi' chik chi yo'yo? Anaqwan a'an wank sa' xnim uq' li Yos ut na'aatinak chaq chiqix.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

Colosenses 2:15

Kixjuk' xwankileb' li musiq'ej neke'taqlank ut neke'awab'ejink, kixk'eheb' chi se'eek chiruheb' chixjunil ut kixk'ameb' chirix xb'aan xnimal xwankilal.

Isaías 53:8

Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

Salmos 22:14

jwal k'apk'ookeb' re sa' inb'een, chanchaneb' li kaqkoj neke'xjap re ut neke't'upink.

Salmos 2:8

Tz'aama we, ut tink'e chaweechaniheb' li tenamit; aawehaq chixjunil li ruuchich'och'.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Lucas 23:25

Ut kirach'ab' li winq yookeb' chi xpatz'b'al, a' li kik'ehe'k sa' tz'alam xb'aan jun li mululij ib' ut jun kamsink, ut kixq'axtesi li Jesus sa' ruq'eb' re naq te'xb'aanu li te'raj.

San Mateo 26:42

Koho wi' chik chi tijok xka' sut ut kixye: “At inYuwa' wi ink'a' truuq naq taanume'q li sek' a'in chi ink'a' ta twuk' li xsa', chi'uxmanq laawajom”.

Daniel 2:45

A'an a'in li xyaalal li pek li xtolk'ok chaq sa' li tzuul chi maajun kitoch'ok chaq re, ut kolxputz'i li q'anch'iich' ut li seb', li ch'iich', li plaat ut li oor. “At awab'ej, jo'ka'in naq li Nimajwal Yos xk'utb'esi chawu li taak'ulmanje'q chiruheb' li kutan chaalel. Ut tz'aqal yaal li matk' a'an jo'wi' li xyaalalil”, chan laj Daniel.

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Isaías 52:13

Laj K'anjel chiwu jwal us taa'elq rik'in li k'aru tixb'aanu; nimaq xwankil ut taaterq'usiiq xloq'al, q'axal taanimaaq li xk'ab'a'.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Éxodo 15:9

Li xik' na'ilok qe kixye: «Tinxik chi xchapb'aleb', toxintaweb'. Tinjek'i li k'aru reheb', ut taak'ojlaaq linch'ool; twisi linch'iich', ut te'sache'q ru xb'aan li wuq'».

Li xHu LAJ JOB 30:16

Anaqwan yo chi oso'k linyu'am, yo chi numtaak li ch'a'ajkilal sa' inb'een.

Isaías 49:4

Xb'aan naq laa'in kink'oxla: “Maak'a' aj e naq xinyal inq'e chi k'anjelak, yal xintawasi wib' chi maak'a' rajb'al”. Ab'anan ninb'aanu link'anjel sa' xk'ab'a' li Qaawa' ut linq'ajkamunkil wan chaq rik'in linYos.