Isaías 52:2 - Q'eqchi Bible

² Waklin, at Jerusalén, chiq' li pojtz' chawix; isi aawib' sa' li rahilal, at Sión, li wankat chi preexil.

Li Santil hu

² Cuaclinkex ut chikꞌomak li poks che̱rix. Cꞌojlankex saꞌ le̱ cꞌojariba̱l la̱ex aj Jerusalén. Isihomakeb li cadena li chapcho̱quex cuiꞌ, la̱ex li cuanquex Sión.

Isaías 52:2 ပူးပေါင်းရင်းမြစ်များ

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

Jeremías 51:50

Laa'ex li xexkole'k chiru li kamk, ayuqex sa' aanil chi ink'a' texhilanq; ut naq wanqex chik chi najt, jultikaq eere li Qaawa' ut wanq sa' leech'ool Jerusalén.

Jeremías 51:45

Ex intenamit, elenqex chaq Babilonia ut chejunjunqal kolomaq leeyu'am chiru li xnimal injosq'il!

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 51:14

Chi seeb' taa'ach'ab'aaq li wank sa' tz'alam; moko taakamq ta chi b'ak'b'o chi moko taakanaaq chi maak'a' xtzekemq.

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

Zacarías 2:6

Ayuqex, elenqex chaq sa' li tenamit wank sa' xjayal releb'l iq', chan li Qaawa'. Laa'in xincha'cha'ink eere junsut junrub'el choxa. Elenqex anaqwan.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Isaías 29:4

Toja' naq taakub'siiq laawankil; ut naq tat-aatinaq chaq sa' li ch'och', laawaatin chanchanaq xyaab' xkux li anum, yal sa' hasb' aj chik tat-aatinaq chaq toj sa' li pojtz'.

Isaías 3:26

Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Isaías 51:23

Sa' ruq'eb' chik li xe'rahob'tesink aawe, tink'e, a'eb' li xe'yehok aawe: «B'uchub'aq eerib' chiru ch'och' re naq toonume'q sa' eeb'een». Ut laa'at xab'uchub' aawib' chiru ch'och', xatkanaak jo' jun li b'e cho'q reheb' li xe'nume'k sa' aab'een”.

Isaías 49:21

Ut taaye ajwi' sa' laach'ool: «B'ar anchal xe'chalk chaq eb' li kok'al a'in? Maak'a'eb' chaq walal xb'aan naq jo'kin junaq xma'al ixq naq xinwank; xintz'eqtaanaak ut xin'isiik sa' lintenamit. Ut eb' a'in ani xe'k'iiresink reheb'? Xb'aan naq laa'in xinkanaak injunes. B'ar put xe'chalk a'in chi jo'kanan?»”.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Isaías 10:27

Sa' li kutan a'an texwisi rub'el xwankileb' laj Asiria ut ink'a' chik texrahob'tesiiq xb'aaneb', tex'ach'ab'aaq b'an chi junajwa”.

Isaías 14:25

Tinsach ruheb' laj Asiria sa' lintenamit ut tinyeq'iheb' sa' woq sa'atqeb' lintzuul re naq te'xkanab' eerahob'tesinkil chi moko texxtawasiheb' chik”.

Isaías 60:1

Waklin, at Jerusalén, ut chatlemtz'unq, xb'aan naq xk'ulunk laakutan saqenk ut li xloq'al li Qaawa' xhik'e'k sa' aab'een.

Ezequiel 34:27

Te'uuchinq eb' li che', li loq'laj ch'och' tixk'e li awimq; ut eb' a'an te'wanq sa' li xna'ajeb' sa' tuqtuukilal. Naq laa'in tinkol lintenamit sa' ruq'eb' li xe'tawasink ut xe'munink reheb', aran te'xnaw naq laa'in li Qaawa'.

Zacarías 2:7

Kol aawib', at Sión, laa'at li wankat aran Babilonia.