Isaías 52:12 - Q'eqchi Bible

¹² Ab'an moko tex'elq ta chi junpaat chi moko jo' aj eelel ta naq texxik, xb'aan naq k'amolb'ehaq li Qaawa' cheru ut chi ixb'ej wanq li xYos laj Israel.

Li Santil hu

¹² Abanan moco saꞌ a̱nil ta tex-e̱lk, chi moco tex-e̱lelik nak tex-e̱lk. Li Ka̱cuaꞌ aꞌan li ta̱cꞌamok be che̱ru ut aꞌan ajcuiꞌ li ta̱ilok e̱re.

Isaías 52:12 ပူးပေါင်းရင်းမြစ်များ

Isaías 58:8

Toja' naq laasaqenk taak'utunq jo' naq nahik'e'k li kutan, ut sa' junpaat taak'iraaq laatiq'ilal. K'amolb'ehaq chawu laachaab'il b'aanuhom ut linloq'al taataaqenq aawe.

Deuteronomio 20:4

xb'aan naq a' li Qaawa' leeYos eerochb'een chi xik chi yalok sa' eek'ab'a' rik'ineb' li xik' neke'ilok eere, ut relik chi yaal naq texxkol».

Isaías 45:2

K'amolb'ehaqin chawu ut tinkub'si xterameb' li tzuul. Tinpuk'iheb' li okeb'aal yiib'anb'il rik'in q'anch'iich' ut kok'puk' tinkanab'eb' li xnat'b'al rixeb'.

Miqueas 2:13

K'amolb'ehaq li Qaawa' chiruheb', ut eb' a'an te'xik chirix ut te'nume'q sa' rokeb'aal li tenamit. Li Qaawa' a'an li x'awab'ejeb' ut taaxik chi uub'ej: aj k'amolb'ehaq chiruheb' chixjunil.

1 Crónicas 14:15

Ut naq taawab'i chanchan xyaab' yokb' sa' ru'uj li bálsamo, kut aawib' sa' xb'eeneb' laj Filistea xb'aan naq a'an reetalil naq laa'in aj k'amol b'e chawu re xsachb'al ruheb' laj puub' aj Filistea”.

Números 10:25

Moqon chik ke'elk li xkomoneb' li teep, ut chirix a'an eb' li neke'xik rub'el xb'anteereb' laj Dan, chi ch'uutal: k'amol b'e laj Ajieser, ralal laj Amisaday;

Éxodo 12:11

Jo'ka'in naq teetiw: chi b'ak'b'ooq leesa', wanq eexaab' cheroq ut wanq eexuq' sa' eeruq'; ut chi junpaat teetiw xb'aan naq a'an li xPaswa li Qaawa'.

Jueces 4:14

Toja' naq kixye lix Débora re laj Barak: “Xaqlin, xb'aan naq anaqwan xkutankil naq li Qaawa' tixq'axtesi sa' laawuq' laj Sísara. Li Qaawa' a'an aj k'amol b'e chawu”, chan. Laj Barak kikub'eek chiru li tzuul Tabor ut kitaaqeek xb'aaneb' li lajeeb' mil chi winq,

Éxodo 12:39

Naq ke'isiik Ejiipt, ink'a' ke'ruuk chi b'ayk, chi moko ke'ruuk chi xxokb'al xtzekemqeb'. Jo'kan naq chiru li q'em li ke'xxok Ejiipt, ke'xyiib' xsup k'ulujeb', xb'aan naq maji' nasipo'k li q'em.

Éxodo 12:33

Eb' laj Ejiipt ke'relaji ruheb' laj Israel naq te'xseeb'a rib' chi elk sa' li xna'ajeb': “Kamk qe chiqajunilo”, chankeb'.

Isaías 51:14

Chi seeb' taa'ach'ab'aaq li wank sa' tz'alam; moko taakamq ta chi b'ak'b'o chi moko taakanaaq chi maak'a' xtzekemq.

Éxodo 14:8

Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Deuteronomio 16:3

“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am.

Josué 6:9

Eb' li wankeb' xch'iich' aj k'amolb'eheb' chiruheb' laj tij li yookeb' chi xyaab'asinkil eb' li xtronpeet; ut li xk'ihaleb' li tenamit yookeb' chi xik chirix li Loq'laj Kaax, yo ajwi' xyaab'eb' li tronpeet chi junelik.

Isaías 26:7

Li xyu'am li tiik xch'ool a'an li tiikilal; laa'at, at Qaawa', nakattuqub'ank ru li xb'e.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

Isaías 49:11

Laa'in tintehoq b'e sa' chixjunileb' li k'iche' ut taatuqub'aaq ru chixjunil li b'e ak wank”, chan li Yos.

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Josué 4:11

Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.