Isaías 51:9 - Q'eqchi Bible

⁹ Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Li Santil hu

⁹ Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Isaías 51:9 ပူးပေါင်းရင်းမြစ်များ

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Salmos 89:10

Laa'at nakattuulanob'resink re li xjosq'il li palaw; naq neke'waklije'k li xkaw oq, laa'at nakattuqub'ank reheb'.

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Salmos 44:1

Re li xjolomileb' laj b'ichanel. Xb'icheb' li ralal xk'ajol laj Koré.

Li xHu LAJ JOB 26:12

Rik'in li xwankil kixq'ax ru li palaw, rik'in xnimal xk'a'uxl kixsach ru li mama' xul, Rahab xk'ab'a'.

Salmos 7:6

chinraanilasiiq li xik' na'ilok we, chinxchapaq, chinxyeq'iiq sa' ch'och' ut chixtolk'osi sa' pojtz' linloq'al.

Habacuc 3:13

Xat-elk chaq chi xkolb'al laatenamit re xtenq'ankil li sik'b'il ru aab'aan. Xajuk' li rochocheb' li ink'a' useb' xna'leb' ut xak'e chi kutankil li rub'elankil.

Isaías 62:8

Li Qaawa' kixye li xjurament sa' xk'ab'a' li xwankilal: “Maajoq'e chik tink'e laatriiw reheb' li xik' neke'ilok aawe, chi moko eb' li jalanil poyanam te'ruk' chik laab'iin li xatawasi wi' aawib',

Salmos 93:1

Li Qaawa' na'awab'ejink, tiqto rik'in xnimal xloq'al; sutsu li Qaawa' xb'aan xnimal xwankil. A'an kik'ojob'ank re li ruuchich'och' sa' xna'aj, re naq ink'a' taa'eek'anq chi junajwa.

Salmos 87:4

“Tink'eheb' sa' ajl Ejiipt ut Babilonia sa' xyanqeb' li neke'nawok wu; Tiro, Filistea ut Etiopía xe'yo'laak aawik'in”.

Salmos 44:23

Ab'an wulaj wulaj yooko chi kamsiik sa' laak'ab'a', chanchano eb' li karneer re kamsiik.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Apocalipsis 11:17

“Naqab'anyoxi aawe, at Qaawa', at Nimajwal Yos, li ak wankat chaq ut li wankat anaqwan, xb'aan naq wank chik sa' laawuq' laanimal laawankil ut xatikib' awab'ejink.

San Lucas 1:51

Kixk'ut xwankilal li xtel ut kixcha'cha'i li q'etq'eteb' sa' xch'ooleb'.

Habacuc 2:19

Ra chaalel sa' aab'een laa'at li nakatyehok: “Ajsi aawu”, chankat re jun tolol chi che'. “Waklin”, chankat re jun li pek ink'a' na'aatinak. Ma naru tab'i' taa'aatinaq? Us ta nujob'resinb'il chi oor ut plaat, maak'a' jun tz'uqukaq yu'am rik'in.

Isaías 53:1

Ani xpaab'ank re li esil xqaye? Ani xk'ute' wi' li xnimal xwankil li Qaawa'?

Isaías 51:5

Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Salmos 78:65

Toja' naq ki'ajk ru li Qaawa' kama' wi' sa' xwara, kama' naq ajaamil ru li kaw rib' chirix li xkalajik.

Salmos 21:13

Xb'aan naq laa'at tat-aanilasinq reheb', laa'at tatjayalinq reheb' rik'in laasimaj.

Jueces 6:13

Kichaq'ok laj Jedehón ut kixye: “Chinaakuy, at inQaawa'. Wi li Yos wank qik'in, k'a'ut naq yooko chi xk'ulb'al chixjunil a'in? B'ar wankeb' chixjunil li sachb'ach'oolej li neke'xseeraq'i qe eb' li qana' qayuwa' naq neke'xye: «Ma maawa' tab'i' li Qaawa' ki'isink chaq qe Ejiipt?», chankeb'. A'ut anaqwan li Qaawa' xooxkanab' qajunes ut xooxq'axtesi sa' ruq'eb' laj Madián”, chan laj Jedehón.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

San Juan 12:38

re naq chitz'aqloq ru li aatin kixye li propeet Isaías: “Qaawa', ani xpaab'ank re li qaatin? Ut li xnimal xwankil li Qaawa' ani xk'ute' wi'?”.

Salmos 59:4

Chak'e reetal naq wankeb' te'ajoq inkamsinkil; eb' li wankeb' xwankil yookeb' xk'uub'ankil insachb'al. At Qaawa', maak'a' inmaak, ink'a' xinq'et laawaatin;

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Li xHu LAJ JOB 9:13

Ink'a' nach'anaak chi junpaat li xjosq'il li Yos; rub'el roq neke'kanaak li palaw ut eb' li neke'okenk chirix li Mama' Xul.

Salmos 77:5

Ink'a' nikinaak'e chi wark, at Qaawa', tik sachso linna'leb' ut ink'a' chik ninru chi aatinak.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Zacarías 10:11

Toja' naq te'nume'q wi' chik junpak'al li palaw re Ejiipt, te'xpaynumi chaq li xkawil oq li palaw ut tinchaqihob'resi li ha' re Nilo toj sa' xchamal. Tinsach li xq'etq'etil eb' laj Asiria ut tinjuk' li xwankilal eb' laj Ejiipt.

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

Salmos 44:24

Ajsi aawu, at Qaawa'! K'a' naq yookat chi wark? Waklin chaq, moohaatz'eqtaana chi junajwa!

Salmos 89:11

Xaputz'i ut xamuch'i li Mama' Xul, rik'in xkawilal laawuq' xacha'cha'iheb' li xik' neke'ilok aawe.

Miqueas 7:15

Chak'ut wi' chik li xninqal sachb'ach'oolej chiruheb', jo' naq koo'elk chaq sa' li tenamit Ejiipt.

Hechos 7:7

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq ut toline'xloq'oni sa' li na'ajej a'in», chan li Yos.