Isaías 51:8 - Q'eqchi Bible

⁸ Xb'aan naq te'oso'q jo' li aq'ej nachoye'k xb'aan li mok'o'k, kama' li tuuxnoq' li nak'uxe'k xb'aan li k'ams. A'ut lintiikilal maajoq'e taa'oso'q ut linkolb'a ib' taawanq junq'e junq'e kutan”.

Li Santil hu

⁸ Mexcꞌoxlac xban nak eb aꞌan teꞌosokꞌ lix tibeleb joꞌ nak li xul nequeꞌxcux li tꞌicr. Ut li motzoꞌ tixtiu lix tibeleb joꞌ nak li cocꞌ xul nequeꞌxcux li lana. Abanan lin ti̱quilal incꞌaꞌ ta̱osokꞌ. Ta̱cua̱nk ban chi junelic. Ut ta̱cua̱nk ajcuiꞌ chi junelic li colba-ib li ninqꞌue, chan li Dios.

Isaías 51:8 ပူးပေါင်းရင်းမြစ်များ

Isaías 51:6

“Taqsihomaq leerilob'aal sa' choxa ut ilomaq li ruuchich'och' taq'a: li choxa taa'oso'q jo' li sib', ut li ruuchich'och' taaq'eelo'q jo' junaq aq'ej; eb' li xpoyanamil te'kamq jo'kaqeb' li suq. A'ut linkolb'a ib' taawanq chi junelik ut lintiikilal maajoq'e taa'oso'q.

Isaías 50:9

Li Qaawa', a'an li natenq'ank we: ani taak'ehoq we sa' tojb'amaak? Chixjunileb' li xik' neke'ilok we te'oso'q, jo' li aq'ej naq nak'uxe'k xb'aan li mok'o'k.

San Lucas 1:50

Li ruxtaan junelik wank sa' xb'eeneb' li neke'xiwank re.

Oseas 5:12

Jo'kan naq tinsacheb' ru laj Efraín jo' naq namaxenk li che'; jo'kan ajwi' te'xk'ul eb' laj Judá: jo'kaqin li k'ams cho'q reheb'.

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Li xHu LAJ JOB 4:19

Ma toja' ta chik tixk'ojob' xch'ool chirixeb' li poyanam? Pak'b'ilo rik'in ch'och' ut maak'a' qametz'ew jo' junaq xmaxel li che'.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Li xHu LAJ JOB 13:28

Yookin chi oso'k jo' li si' okenaq xmaxel, chanchanin li t'ikr k'uxb'il xb'aan lut.

Isaías 14:11

Arin xole'kanaaq laaq'etq'etil ut li xyaab'eb' laa'aarp. Eb' li motzo' wankeb' cho'q ruuchil laach'aat ut laawisb' a'an junes xlukum ch'och'».

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Isaías 54:9

Jo' naq kinye injurament re laj Noé naq ink'a' chik tink'e chi b'ut'irk li ruuchich'och', jo'kan ajwi' anaqwan ninye injurament naq ink'a' chik tinjosq'o'q aawik'in chi moko tatinch'iila chik.