Isaías 51:12 - Q'eqchi Bible

¹² “Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Li Santil hu

¹² Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Isaías 51:12 ပူးပေါင်းရင်းမြစ်များ

Salmos 118:6

Li Qaawa' wank wik'in, ut maak'a' ninxiwa: k'aru truuq xb'aanunkil we junaq yal winq?

1 Pedro 1:24

Xb'aan naq naxye li Santil Hu: “Chixjunil li poyanam a'an jo' li pim, ut chixjunil li xloq'al kama' li ratz'um li pim: nachaqik ut nat'ane'k li ratz'um.

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

San Juan 14:18

“Ink'a' texinkanab' eejunes jo' maak'a' leena' leeyuwa': tinchalq wi' chik eerik'in.

Isaías 66:13

Jo' junaq na'b'ej naxq'unb'esi li xk'uula'al, jo'kan ajwi' naq texinq'unb'esi laa'in, ut aran Jerusalén taak'ojob'aaq leech'ool”.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Proverbios 29:26

Naab'aleb' neke'xsik' usilal rik'in li awab'ej; ab'an ka'ajwi' li Qaawa' nak'ehok li xk'ulub' li junjunq.

Salmos 146:4

Te'elq xmusiq', ut ch'och' te'sutq'iiq wi': sa' ajwi' li kutan a'an taaraqe'q chixjunil li xk'uub'ahomeb'.

Salmos 92:7

Li maak'a' xna'leb' ink'a' naxk'e reetal a'an ut li jip aj winq ink'a' naru xtawb'al xyaalal.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

2 Reyes 1:15

Toja' naq li x'ánjel li Qaawa' kixye re laj Elías: “Kub'en aawochb'een a'an. Matxiwak chiru”. Kixaqliik laj Elías ut kikub'e chaq rochb'een li xjolomileb' laj puub'. Naq kiwulak rik'in li awab'ej,

Isaías 40:1

K'ojob'omaq xch'ool lintenamit, k'ojob'omaq xch'ool -chan li Qaawa' leeYos-.

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Isaías 57:11

“K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Jeremías 38:19

Kichaq'ok laj Sedesías, li awab'ej, ut kixye: “Ninxiwak xb'aaneb' laj Judiiy li xe'q'axonk sa' xyanqeb' laj Kaldeha. Mare anchal tinq'axtesiiq sa' ruq'eb' ut tine'xrahob'tesi”.

Jeremías 41:18

re elk chiruheb' laj Kaldeha, xb'aan naq k'ajo'eb' xxiw. Ke'ok xxiw xb'aan naq laj Ismael, ralal laj Natanías, kixkamsi laj Kedalías, ralal laj Ajikán, li kixaqab'aak xwankil chi xjolominkileb' laj Judá xb'aan li awab'ej re Babilonia.

Ezequiel 2:6

“Ut laa'at, kaamel winq, maaxiwa ruheb' chi moko tatxiwaq xb'aan li k'aru te'xye aawe, us ta chanchan naq sutsuuqat sa' li k'ix malaj wanqat ta sa' xyanqeb' laj xook'. Matxiwak rik'in li k'aru te'xye chi moko naq te'josq'o'q chawu, xb'aan naq q'axal kaw li xjolomeb'.

1 Samuel 17:11

K'ajo' naq ke'chalk xxiw ut ke'ok xk'a'uxl laj Saúl ut chixjunileb' laj Israel naq ke'rab'i li raatin laj Filistea!

1 Samuel 21:13

Kixb'aanu rib' naq ink'a' tuqtu xjolom, kixk'e rib' jo' kaan ru chiruheb': na'okje'k chi xt'okt'okinkil re li kab'l ut nat'aynakje'k xya'al re sa' li xmach.

Isaías 8:12

“Meeye po'ok na'leb' re li neke'xk'e cho'q po'ok na'leb' li tenamit a'in -chan we- chi moko teexiwa ru li neke'xxiwa eb' a'an.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 52:9

Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

Isaías 61:2

re xyeeb'al resil jun chaab'il chihab' sa' xk'ab'a' li Qaawa', a' li xkutankil li eeqajunk cho'q re li qaYos. Li Qaawa' xinxtaqla chaq re xk'ojob'ankil xch'ooleb' chixjunileb' li yookeb' chi yaab'ak.