Isaías 51:10 - Q'eqchi Bible

¹⁰ Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

Li Santil hu

¹⁰ Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

Isaías 51:10 ပူးပေါင်းရင်းမြစ်များ

Isaías 43:16

Jo'ka'in kixye li Qaawa' li kitehok b'e sa' li palaw, jo' jun nimb'e sa' xkawil oq li ha'.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Éxodo 15:13

Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Isaías 42:15

Ok we chi xsachb'aleb' li tzuul ut eb' li b'ool, chaqi tinkanab' chixjunil li xrax pimul; tinchaqihob'resi eb' li nima', ut joxk' ch'och' aj chik tinkanab'eb' li kaqnaab'.

Salmos 74:13

Laa'at katjachok re li palaw rik'in laawankil, kajori xjolomeb' li josq' aj xul sa' li palaw.

Salmos 77:19

Li xyaab' li kaaq ki'ab'iik sa' li kaqsut-iq' ut kisaqeno'k li ruuchich'och' xb'aan li raq'kaaq. K'ajo' naq kihich'leek li ch'och' xb'aan li hiik.

Salmos 106:9

Kixq'us li Kaqi Palaw, ut a'an kichaqik; kixnumsi li xtenamit sa' xyi li ha' chanchan sa' chaqich'och'.

Salmos 106:10

Kixkoleb' chiruheb' li ke'raj xrahob'tesinkileb'; kixmaq'eb' sa' ruq'eb' li xik' neke'ilok reheb'.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Isaías 11:16

Chi jo'kan taawanq jun nimb'e cho'q reheb' xkomon li tenamit li te'sutq'iiq chaq Asiria, jo' li ke'xtaw eb' laj Israel naq ke'elk chaq Ejiipt.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Isaías 35:9

Maak'a'aq chik aran li kaqkoj chi moko te'nume'q li josq' aj xul sa' li b'e a'an; ka'ajeb' wi' li kolb'ileb' te'b'eeq aran.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Zacarías 10:11

Toja' naq te'nume'q wi' chik junpak'al li palaw re Ejiipt, te'xpaynumi chaq li xkawil oq li palaw ut tinchaqihob'resi li ha' re Nilo toj sa' xchamal. Tinsach li xq'etq'etil eb' laj Asiria ut tinjuk' li xwankilal eb' laj Ejiipt.

Éxodo 14:29

A'ut eb' laj Israel ke'nume'k sa' li palaw chi chaqi ru xb'eheb', xb'aan naq li ha' chanchan li tz'ak kikanaak chi xka'pak'alil li b'e.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Miqueas 7:15

Chak'ut wi' chik li xninqal sachb'ach'oolej chiruheb', jo' naq koo'elk chaq sa' li tenamit Ejiipt.