Isaías 50:7 - Q'eqchi Bible

⁷ Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Li Santil hu

⁷ Li Ka̱cuaꞌ Dios aꞌan li natenkꞌan cue. Joꞌcan nak incꞌaꞌ ra nacuecꞌa nak niquineꞌxhob. La̱in xakxo̱quin chi cau joꞌ jun li sako̱nac. La̱in ninnau nak incꞌaꞌ xuta̱nal tine̱lk mokon.

Isaías 50:7 ပူးပေါင်းရင်းမြစ်များ

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

1 Pedro 4:16

Ab'anan wi nekek'ul rahilal xb'aan xpaab'ankil li Kriist, mexxutaanak; chenimaaq b'an xloq'al li Yos rik'in naq nekek'ab'a'in “kristiyan”.

San Lucas 9:51

Naq yo chi tz'aqlok xq'ehil li xtaqik, li Jesus kixkawila xch'ool chi xik Jerusalén

1 Pedro 4:1

Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k,

Isaías 49:8

Jo'ka'in kixye li Qaawa': “Sa' chaab'il kutan xatwab'i, sa' xq'ehil li kolb'a ib' xatintenq'a. Xatinyoob'tesi ut xatinxaqab' chi xk'ojob'ankil li sumwank rik'in li tenamit, re xwaklesinkil wi' chik li na'ajej ut xjek'inkil li ch'och' ak sachb'il xchaab'ilal;

Isaías 50:9

Li Qaawa', a'an li natenq'ank we: ani taak'ehoq we sa' tojb'amaak? Chixjunileb' li xik' neke'ilok we te'oso'q, jo' li aq'ej naq nak'uxe'k xb'aan li mok'o'k.

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Salmos 110:1

Xsaalm laj David. Kixye linYos re linqaawa': “K'ojlan sa' linnim uq', toj reetal tink'eheb' li xik' neke'ilok aawe rub'el laawoq”.

Isaías 29:22

Jo'kan naq li Qaawa', li xYos laj Israel, li kikolok re laj Abrahán, naxye chi jo'ka'in: “Chalen anaqwan ink'a' chik te'kaqo'q xb'aan xxutaaneb' eb' li ralal xk'ajol laj Jakob:

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Miqueas 1:2

Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.

Salmos 54:6

Ab'anan we' chaq linYos chintenq'ankil: li Qaawa' a'an tz'aqal tixkuut linyu'am.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.