Isaías 50:4 - Q'eqchi Bible

⁴ Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Li Santil hu

⁴ Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Isaías 50:4 ပူးပေါင်းရင်းမြစ်များ

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Jeremías 1:9

Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.

Proverbios 25:11

Li aatin nayeemank tz'aqal sa' xq'ehil, a'an chanchan li ki'il q'een sa' junaq plaatil sek'.

Proverbios 15:23

K'ajo' sahilal naq na'uxk aatinak sa' q'unil aatin; ut jwal us wi' chik wi na'uxk sa' xhonalil.

Salmos 119:147

Toj hik'ho ninwakliik ut nintz'aama intenq'ankil; xaqxo li woyb'enihom rik'in laawaatin.

Salmos 143:8

Eq'la chak'e taxaq chi week'a laarahom: k'ojk'o linch'ool aawik'in. Chak'ut taxaq chiwu li b'e tento tink'am, xb'aan naq aawik'in wank li woyb'enihom.

Salmos 5:3

At inYos, at Eechal we, chasume taxaq li chajcho we chi xpatz'b'al, xb'aan naq aawik'in nin'elajink, at Qaawa'.

San Lucas 4:22

Chixjunileb' chaab'il neke'xye chirix, nalaje'sachk xch'ool xb'aan li chaab'il aatin na'elk chi xtz'uumal re, ut neke'xye: —Ma maawa' tab'i' a'in li ralal laj José?

San Mateo 13:54

Ut naq kiwulak sa' li xtenamit, ki'ok chi xtzolb'aleb' sa' li ch'utleb'aal kab'l li wank aran. Ut eb' a'an nalaje'sachk xch'ool chi rab'inkil ut neke'xye: —B'ar naxtaw li xnimal na'leb' a'in jo'wi' li xnimal xwankilal?

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

San Mateo 22:46

Ut maa'ani chik kiruhank chi sumenk re; ut chalen sa' li kutan a'an maa'ani chik kikawuuk xch'ool chi patz'ok re.

San Juan 7:46

Ke'chaq'ok eb' laj k'aak'alenel: —Maajun junaq winq na'aatinak jo' na'aatinak li winq a'an, chankeb'.

Salmos 45:2

Sa' li waanm na'elk chaq xchaq'alil ru aatin, ok we chi b'ichank cho'q re jun li awab'ej; li ru'uj waq' a'an xtz'iib'leb' li sa' junpaat natz'iib'ak.

Salmos 88:13

Ma na'ilmank tab'i' sa' li aak'ab' li sachb'ach'oolej nakab'aanu, malaj nanawmank xtiikilal laach'ool b'arwi' maa'ani chik paatz'el?

Proverbios 12:25

Li rahil ch'oolej naxluktesi xch'ool li winq; a'ut li chaab'il aatin naxsahob'resi.

Isaías 8:16

K'uula chi us eb' li aatin a'in, kaaxti chi chaab'il li chaq'rab' xink'e aawe sa' xyanqeb' lintzolom a'in.

Isaías 28:9

Neke'aatinak chiwix ut neke'xye: “Ani li winq a'an li nachalk chi xk'eeb'al qana'leb' jo' ajwi' chi xch'olob'ankil chiqu li xyehom li Yos? Ma laa'o tab'i' k'uula'al? Ma toje' tab'i' xqakanab' li tu'uk?

Isaías 28:19

Rajlal naq taak'ulunq, tolexsach. Wulaj wulaj taachalq cherahob'tesinkil chi q'eq ut chi kutan. Yal rik'in rab'inkil resil li rahilal a'an laa'ex parpotqex xb'aan leexiw.

Isaías 35:5

Toja' naq taatehonq xsa' ruheb' li mutz' ut eb' li tz'apxikeb' te'ab'inq chik.

Isaías 40:29

A'an nak'ehok xkawilal li tawajenaq ut naxkawub'resi xch'ool li lub'lub' wank.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Jeremías 31:25

Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

Ezequiel 46:13

“Rajlal kutan, junelik eq'la, taayeechi'i jun ral li karneer aj jun chihab', li maak'a'aq reek', cho'q k'atb'il mayej chiru li Qaawa'.

Deuteronomio 18:17

Toja' naq li Qaawa' kixye we chi jo'ka'in: «Us li xe'xye.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

Li xHu LAJ JOB 4:4

xawaklesi xch'ooleb' li q'axal ra wankeb' ut xatenq'a li t'anekeb' re.

Salmos 40:7

Mayejak ut yeechi'ink ink'a' xawaj, xteeb'al b'an chik linxik xab'aanu. Ink'a' xapatz' k'atb'il xul chi moko mayejak;