Isaías 50:2 - Q'eqchi Bible

² K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Li Santil hu

² ¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Isaías 50:2 ပူးပေါင်းရင်းမြစ်များ

Isaías 59:1

Ink'a' teek'oxla naq li Qaawa' maak'a' chik xwankil chekolb'al, chi moko tz'aptz'o ta li xxik cherab'inkil.

Números 11:23

Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.

Isaías 66:4

Laa'in ajwi' taasaho'q linch'ool chi xrahob'tesinkileb' ut tintaqla chaq sa' xb'eeneb' li rahilal q'axal neke'xxiwa ru. Xb'aan naq xinb'oqok ut ink'a' xine'xsume, xin'aatinak ut maajun x'ab'ink we; xe'xb'aanu b'an li ink'a' nawulak chiwu, a' chik li nayoob'ank injosq'il xe'xb'aanu”.

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Proverbios 1:24

Ab'an xexinb'oq ut ink'a' xeraj wab'inkil; xinye eere naq texchalq wik'in, ut maajun sa' eeyanq xsumenk.

San Juan 1:11

Sa' rochoch kik'ulunk, ut eb' li wankeb' sa' li rochoch ink'a' ke'xk'ul.

Nahum 1:4

Naxch'iila li palaw ut naxk'e chi chaqik; naxchaqihob'resi ajwi' eb' li nima'. Chiru li Qaawa' neke'tz'umak li xpimul Basán ut Karmeel, ut neke'chaqik eb' li uutz'u'uj re Líbano.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Isaías 65:12

laa'in texink'e chi kamsiik chi q'esnal ch'iich' ut chejunilex tex'oso'q chi ch'otb'il leekux, xb'aan naq xexinb'oq ut ink'a' xineesume, xexwaatina, ut ink'a' xeraj wab'inkil; xeb'aanu b'an li ink'a' nawulak chiwu, a' chik li nachiq'ok injosq'il xesik' xb'aanunkil”.

Isaías 59:16

Xk'e reetal naq maajun natenq'ank reheb' li rahob'tesinb'ileb', ut xsachk xch'ool chi rilb'al naq maajun na'okenk chirixeb'. Toja' naq li Yos xq'axok u rik'in li xwankilal ut a' ajwi' li xtiikilal xkuutunk re.

Isaías 43:16

Jo'ka'in kixye li Qaawa' li kitehok b'e sa' li palaw, jo' jun nimb'e sa' xkawil oq li ha'.

Isaías 42:15

Ok we chi xsachb'aleb' li tzuul ut eb' li b'ool, chaqi tinkanab' chixjunil li xrax pimul; tinchaqihob'resi eb' li nima', ut joxk' ch'och' aj chik tinkanab'eb' li kaqnaab'.

Éxodo 14:21

Laj Moisés kixye' li ruq' sa' xb'een li palaw ut li Qaawa' kixtaqla chaq chiru chixjunil li q'oqyink jun kawil iq' li xchalk sa' releb'l saq'e, ut kixchaqihob'resi li palaw: toja' naq kixjek' rib' li ha'.

Éxodo 7:21

Kilaje'kamk chixjunileb' li kar sa' nima', kichuho'k li nima', ut eb' laj Ejiipt ink'a' chik ke'ruhank ruk'b'al li ha' wank sa' li nima'. Kilaje'wank kik' sa' chixjunil li tenamit Ejiipt!

Éxodo 7:18

Eb' li kar li wankeb' sa' nima' talaje'kamq, li nima' taachuho'q ut eb' laj Ejiipt ink'a' chik te'ruhanq ruk'b'al li ha' li wank sa' nima'»”.

San Juan 3:19

Ut a'an a'in li raqb'a aatin: xk'ulunk li saqenk sa' ruuchich'och' ut eb' li winq a' chik li aak'ab' xe'xra chiru li saqenk, xb'aan naq ink'a' useb' li xb'aanuhom.

San Marcos 4:39

Li Jesus ki'ajk ru, kixq'us li iq' ut kixye re li palaw: —Matchoqink! Ch'anaqat! Kich'anaak li iq' ut kichalk jun nimla tuqtuukilal.

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Jeremías 5:1

“B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

Isaías 63:13

kixnumsi li xtenamit sa' xchamal li palaw, jo' tawi' junaq kawaay chi aanilak sa' li chaqich'och', ut ink'a' ke'tichk'ok li roqeb',

Isaías 51:10

Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

Isaías 41:28

Xin'ilok, ut maajun reheb' li jalanil yos xeb'intaw; xinpatz'ok chirix a k'a'aq re ru a'in, ab'an maajun aj k'ehol na'leb' xintaw, maajun xsumenk re linpatz'om.

Isaías 36:20

K'a' chi yosil, sa' xyanq chixjunileb' li xyoseb' li tenamit a'an, xkol ta li xtenamit sa' wuq' laa'in? Chan put ru naq li Qaawa' tixkol li tenamit Jerusalén sa' wuq'?»”.

Isaías 19:5

Taachaqiq li palaw ut taasachq li ha' re li nima' Nilo;

Salmos 107:33

A'an nasutq'isink reheb' li nima' cho'q chaqich'och' ut naxk'e chi chaqik eb' li yu'amha'.

2 Crónicas 32:15

Jo'kan utan, meek'e eerib' chi b'alaq'iik ut chi q'unb'esiik xb'aan laj Esekías. Meepaab' li k'aru tixye, xb'aan naq maajun xyos junaq tenamit kiruuk xkolb'al li xtenamit sa' wuq', chi moko sa' ruq'eb' linxe'toonil yuwa'. Ma toja' ta chik texxkol leeyos laa'ex sa' wuq'?»”.

Éxodo 14:29

A'ut eb' laj Israel ke'nume'k sa' li palaw chi chaqi ru xb'eheb', xb'aan naq li ha' chanchan li tz'ak kikanaak chi xka'pak'alil li b'e.

Jeremías 8:6

Xe'wab'i chi us: maajun reheb' nayehok li yaal; maajun naraho'k xch'ool chirix li xmaa'usilal ut naxye ta: K'aru xinb'aanu? Chixjunileb' xe'xjal xb'eheb' ut neke'xb'aanu li k'aru neke'raj; xe'kaano'k ruheb', kama'eb' chik li kawaay li neke'kaano'k ru chi yalok.

Salmos 106:9

Kixq'us li Kaqi Palaw, ut a'an kichaqik; kixnumsi li xtenamit sa' xyi li ha' chanchan sa' chaqich'och'.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Isaías 23:11

Li Qaawa' xye' li ruq' sa' xb'een li palaw, xjuk' xwankileb' li awab'ej ut xk'e chi sache'k eb' li kawub'resinb'il ochoch re Kanahán.

Isaías 44:27

Laa'in wank inwankil chi xyeeb'al re li palaw: «Chatchaqiq! Maak'a'aq chik ha' sa' laachamal!».

Isaías 54:6

Laa'at chanchanat jun li ixaqilb'ej naq xatwank, jo' jun li ixq kanab'anb'il xb'aan li xb'eelom ut ra sa' xch'ool; ab'an anaqwan xatxb'oq wi' chik li Qaawa' ut naxye aawe: “Ma naru xtz'eqtaanankil li ixq sik'b'il chaq ru sa' linsaajilal?

Jeremías 7:27

“Taaye reheb' chixjunil li aatin xinye aawe, a Jeremías, us ta ink'a' te'raj aawab'inkil. Jap aawe chi xb'oqb'aleb', us ta ink'a' tate'xsume.

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Jeremías 35:14

Eb' laj Jonadab, li ralal laj Rekab, xe'xpaab' li xchaq'rab'ihom li xxe'toonil yuwa'eb' ut chalen toj anaqwan ink'a' neke'uk'ak b'iin, xb'aan naq neke'xk'e sa' xch'ooleb' li raatin li xxe'toonil yuwa'eb'. Laa'in ajwi' k'iila sut xinye eere k'aru teeb'aanu, ab'anan tik ink'a' nikineepaab'.

Habacuc 3:8

At Qaawa', ma xchalk laajosq'il sa' xb'eeneb' li nima'? Ma naxamlotk laajosq'il sa' xb'een li palaw? Laa'at nakattaqe'k chirixeb' laakawaay ut nakatxik sa' xb'eeneb' laab'eleb'aal ch'iich' jo' jun li xq'axok u sa' li yalok.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.