Isaías 5:8 - Q'eqchi Bible

⁸ Ra chaalel sa' eeb'een li yookex chi loq'ok naab'al chi ochoch, li yookatqex chi loq'ok ch'och', toj reetal naq maajun chik nekek'ul ut chanchan naq ka'ajex wi' laa'ex wankex sa'eb' li tenamit.

Li Santil hu

⁸ Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Isaías 5:8 ပူးပေါင်းရင်းမြစ်များ

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Ezequiel 33:24

“At kaamel winq, eb' li wankeb' sa' xyanq li po'lem, sa' xteepal Israel, yookeb' chi xyeeb'al: «Laj Abrahán a'an jun ajwi' chi winq ut kireechani li na'ajej a'in. Ma toja' ta chik laa'o toxqeechani li na'ajej xb'aan naq naab'alo», chankeb'.

Ezequiel 11:15

“At kaamel winq, eb' li wankeb' Jerusalén yookeb' chi xyeeb'al chi jo'ka'in chirixeb' laawas aawiitz'in, laakomoneb' ut chixjunileb' laawech Israelil: «Jwal najt wankeb' rik'in li Qaawa'. Ut laa'o xooxk'e chi wank sa' li ch'och' a'in, re taaqeechani ut arin toowanq», chankeb'.

Li xHu LAJ JOB 15:28

ab'anan sa' po'lemil tenamit toxkanaaq; taawanq sa' li junesal na'ajej ut sa'eb' li ochoch li xe'kanaak chi nakirnak.

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Li xHu LAJ JOB 20:21

maa'ani kixkol rib' chiru. Jo'kan naq li xb'ihomal ink'a' najt tixkuy.

Proverbios 15:27

Li narataw b'ihomo'k naxsach li xjunkab'lal; ab'an li ink'a' naraj tuminaak ru najtaq roq li xyu'am.

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Habacuc 2:6

Ab'anan chixjunileb' li eechaninb'il tenamit te'xse'e li ke'eechanink reheb', yooqeb' chi xyeeb'al: “Ra chaalel sa' aab'een laa'at li xatb'ihomo'k rik'in li moko aawe ta! Toj jo'q'e taakanab' xch'utub'ankil li b'ihomal li wank chi to' aawik'in?”.