Isaías 5:6 - Q'eqchi Bible

⁶ Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Li Santil hu

⁶ Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Isaías 5:6 ပူးပေါင်းရင်းမြစ်များ

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Apocalipsis 11:6

Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Amós 4:7

“Naq oxib' po chik xq'ehil li q'olok, xintz'ap li hab'. Xink'e li hab' sa' jun tenamit, ut sa' li jun chik ink'a' xink'e. Xk'e li hab' sa' jun k'aleb'aal, ut li jun chik xchaqik xb'aan xmajelal li ha'.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Jeremías 45:4

Ab'an li Qaawa' xye li aatin a'in chawix ut xinxtaqla chaq chi xnumsinkil aawe: «Laa'in tinjuk' li k'aru xinkab'la, ut tinmich' li xwaw; ut a'in tinb'aanu re chixjunil li ruuchich'och'.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Jeremías 14:1

Li Qaawa' ki'aatinak rik'in laj Jeremías xb'aan xmajelal li ha', ut kixye re:

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';

Isaías 24:12

Junaatal xkanaak li tenamit, ut kok' taq much' xkanaak li okeb'aal.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

1 Reyes 8:35

“Naq taatz'aponq li choxa ut ink'a' chik tixk'e li hab' xb'aan naq laatenamit xe'maakob'k chawu, wi te'chalq chi tijok sa' li na'ajej a'in ut te'xloq'oni aawu, wi te'yot'e'q xch'ool chirix li maak xe'xb'aanu xb'aan li rahilal xak'e sa' xb'eeneb',

Li xHu LAJ JOB 31:40

chiru linch'och' chi'elq k'ix cho'q ruuchil li triiw, ut chimoq li la cho'q ruuchil li seb'aad. Arin xraqe'k chi aatinak laj Job.

Isaías 7:19

Chixjunileb' a'an te'chalq, tole'okaq sa' xchamal eb' li roq taq'a ut sa'atqeb' li ochoch pek, te'xch'iki rib' sa'eb' li na'ajej k'ix ru ut b'arwi' neke'uk'ak li wakax.

Isaías 32:10

Anaqwan maak'a' nekek'oxla, ab'anan sa' wan xkab' chihab' k'ajo' naq texxiwaq, xb'aan naq maak'a' teexok sa' xq'ehil xsik'b'al ru li uub'.

Isaías 49:19

Xb'aan naq laatenamit po'lem naq xwank, xjuk'mank ut nakirirnak xkanaak; ab'an anaqwan jwal taakach'ino'q ru xb'aan xk'ihaleb' li wanqeb' chisa', ut eb' li xe'sachok aawe jwal najt chik wanqeb'.

Isaías 55:13

Sa' xna'aj li k'ix taayo'laaq li saqichaj, ut sa' xna'aj li k'aamla taayo'laaq li waa'uut. Chixjunil a'an taak'ulmanq re xk'eeb'al xloq'al li Qaawa'; a'anaq jun xnimal eetalil li maajoq'e taasachmanq.

Oseas 9:6

Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

Joel 1:7

Xe'xsach chi junajwa li uub', xe'xjuk'i eb' li xche'el li iig: xe'xmich' rix chixjunileb' li che' ut saqeb' aj chik li ruq' xe'xkanab'.

Proverbios 24:31

Ut xwil naq nujenaq chi k'ix li xk'aleb'aal, naab'al li pajl sa' li awimq, jo' ajwi' ak xe't'anje'k li pek sutsu wi' li na'ajej.

Lamentaciones 2:6

Jo' junaq aj elq' xweqi li xloq'laj ochoch ut kok'putz' xkanab' li na'ajej na'uxk wi' ch'utlaak. Ink'a' chik na'uxk ninq'ehik aran Sión chi moko neke'roxloq'i li sábado. Sa' xxamlel li xjosq'il li Qaawa' xk'e chi sache'k li awab'ej ut eb' laj tij.