Isaías 5:4 - Q'eqchi Bible

⁴ K'a' raj chik ru xinb'aanu re li wawimq? Malaj wank k'aru ink'a' xinb'aanu re? Xwoyb'eni ki'il uub'; k'a'ut naq junes ra re li uub' xk'e?

Li Santil hu

⁴ ¿Cꞌaꞌ chic ru incꞌaꞌ xinba̱nu re li cuacui̱mk nak nequeye la̱ex? Nak quicuoybeni nak tixqꞌue li cha̱bil uvas, aꞌ chic li ma̱cuaꞌ cha̱bil li qui-el.

Isaías 5:4 ပူးပေါင်းရင်းမြစ်များ

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

Jeremías 7:25

“Chalen naq ke'elk chaq leena' leeyuwa' sa' li tenamit Ejiipt toj anaqwan, rajlal xintaqla eerik'in eb' li propeet, laj k'anjeleb' chiwu.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Jeremías 24:2

Sa' jun chakach q'axal chaab'il li iig wank chisa' jo' tz'aqal li xb'een ru li awimq; ab'an sa' li jun chik ink'a' us li iig wank chisa', tik ink'a' chaab'il ut ink'a' naru xtzekankil.

Éxodo 37:22

Eb' li xtux ut eb' li ruq' junajeb' ru rik'in li xna'aj kanteel naq ke'yiib'amank, rik'in kawil oor q'axal chaab'il.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.