Isaías 5:24 - Q'eqchi Bible

²⁴ Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Li Santil hu

²⁴ Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Isaías 5:24 ပူးပေါင်းရင်းမြစ်များ

Isaías 30:12

Jo'kan naq li Qaawa', li xSant laj Israel, kixye chi jo'ka'in: “Laa'ex xetz'eqtaana li aatin a'in ut xek'ojob' leech'ool sa' li raaxiik' ut li maa'usilal; kaw leech'ool rik'in chixjunil a'an.

Li xHu LAJ JOB 18:16

Chanchanaq jun li che' xchaqik li xxe', yookeb' ajwi' chi kamk li ruq'.

San Lucas 3:17

Ak wan chaq xk'anjelob'aal sa' li ruq' re xyamtesinkil li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Joel 2:5

Tz'aapixik tz'aqal rab'inkileb' naq yookeb' chi aanilak sa' xb'eeneb' li tzuul, kama' xyaab'eb' li k'iila b'eleb'aal ch'iich' re yalok; chanchaneb' li xyaab' li chaqi pim naq yo chi k'atk; jo'eb' laj puub' jwal kaweb' rib' li tzoltzookeb' royb'eninkil li xhonalil li yalok.

Isaías 47:14

K'e reetal, kama'eb' li k'im naq te'oso'q chixjunileb'; li xam taasachoq reheb', ut ink'a' te'ruhanq chi xkolb'aleb' rib' chiru xtiqwal li xam. Xb'aan naq a'an maawa' xam re k'uub'ank tzekemq chi moko ru xam naruuk wi' q'ixink.

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Éxodo 15:7

Rik'in xnimal aaloq'al nakasacheb' li neke'xyal xnimob'resinkil rib' chawu; nakak'ut laajosq'il, ut chanchaneb' li k'im sa' xam naq neke'oso'k.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

Hechos 13:41

«K'ehomaq reetal laa'ex li nekextz'eqtaanank; chisachq eena'leb' ut chexmuqunq, xb'aan naq chiru leeyu'am tinb'aanu jun xnimal ru b'aanuhom, ut a'an ink'a' raj teepaab', us ta taaseeraq'iiq eere»”.

San Juan 12:48

Ani natz'eqtaanank we ut ink'a' naxk'ulub'an eb' li waatin, wank ani taaraqoq aatin sa' xb'een: li Aatin xinye, a'an li taaraqoq aatin sa' xb'een sa' roso'jikeb' li kutan.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

San Lucas 7:30

A'ut eb' laj pariseey ut eb' laj nahol Chaq'rab' ke'xsach xwankil li xnimal rajom li Yos sa' xb'eeneb', naq ink'a' ke'xk'ulub'an naq te'kub'siiq xha'eb'.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.

Oseas 9:16

Kamk re laj Efraín, chanchan aj chik li chaqiche' li ink'a' chik na'uuchink. Us ta te'wanq ralal xk'ajoleb', laa'in tink'e chi kamk li xmaataneb'”.

Oseas 5:12

Jo'kan naq tinsacheb' ru laj Efraín jo' naq namaxenk li che'; jo'kan ajwi' te'xk'ul eb' laj Judá: jo'kaqin li k'ams cho'q reheb'.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Isaías 8:6

“Li tenamit a'in xe'xtz'eqtaana li ha' re Siloé li nab'eek roq sa' xyaalal, ut xch'inank xch'ooleb' chiru laj Rasín ut laj Pékaj, ralal laj Romelías.

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

1 Samuel 15:26

Ab'an laj Samuel kixsume: “Ink'a' tinxik chawix. Laa'at xatz'eqtaana li raatin li Qaawa', jo'kan naq tz'eqtaananb'ilat anaqwan xb'aan li Qaawa' re naq ink'a' chik tat-awab'ejinq sa' xb'eeneb' laj Israel”.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

2 Reyes 19:22

Ani xahob' ut xak'e sa' xutaan? Ani li xataqsi laawaatin sa' xb'een ut xakub'si xwankil? A' li xSantil Yos laj Israel!

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Isaías 24:6

Jo'kan naq li xmajewahom li Yos xchalk sa' xb'een li ruuchich'och', xsache'k ru chixjunil ut eb' li poyanam yookeb' chi k'uluk rahilal. Xb'aan li xmaa'usilaleb' yookeb' chi oso'k li tenamit ut yal wiib' oxib' aj chik xe'kanaak.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Oseas 11:9

Ink'a' tatinrahob'tesi xb'aan xxamlel linjosq'il ut ink'a' chik tinsach ruheb' laj Efraín, xb'aan naq laa'in li Yos ut maawa'in winq. Laa'in li Sant sa' eeyanq, ut ink'a' tinchalq chesachb'al”.

Éxodo 5:12

Toja' naq li tenamit ke'xjek'atq rib' sa' xsutam Ejiipt chi xsik'b'al yal pim jo' reeqaj li k'im.

Deuteronomio 28:24

Li Qaawa' tixhoy chaq pojtz' ut samahib' sa' xb'een laach'och' cho'q reeqaj li hab'; ut te'chalq sa' aab'een toj reetal tat-oso'q.

Li xHu LAJ JOB 8:17

naxb'ach'le rib' li xxe' sa' xyanqeb' li pek ut naxchap rib' chiru li tz'ak naq yo li saq'e.

Ezequiel 15:6

“Jo'kan naq laa'in, li Qaawa', ninye chi jo'ka'in: Jo' naq li xtoonal li uub', sa' xyanqeb' chixjunileb' li che' wankeb' sa' li k'iche', nakutmank sa' xam, jo'kan ajwi' naq tink'eheb' chi k'ate'k eb' laj Jerusalén.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.