Isaías 5:22 - Q'eqchi Bible

²² Ra chaalel sa' eeb'een li kaw eerib' chi kalaak, ut maajun naq'axok eeru chi xyiib'ankil li ha' nakaltesink.

Li Santil hu

²² Raylal ta̱cha̱lk saꞌ e̱be̱n la̱ex li nequexnumta chi cala̱c ut la̱ex li cuan e̱naꞌleb re xyi̱banquil li haꞌ li nacaltesin.

Isaías 5:22 ပူးပေါင်းရင်းမြစ်များ

Isaías 5:11

Ra chaalel sa' xb'eeneb' li neke'atawank b'iin toj eq'la, ut naq na'ok li q'oqyink, toj yookeb' xkalajik.

Habacuc 2:15

Ra chaalel sa' aab'een laa'at li nakakaltesiheb' laawechkab'al ut nakayu li b'iin rik'in li b'an nakaanob'resink u, re xsachb'al xwankileb' ut xk'utb'al xxutaaneb'.

Isaías 28:7

Wankeb' ajwi' li neke'taktotk xb'aan li b'iin ut sachenaq xna'leb'eb' xb'aan li ha' nakaltesink: a'aneb' laj tij ut eb' li propeet li ink'a' chik nach'olaak li neke'xb'aanu xb'aan li b'iin, sachso xna'leb'eb' xb'aan li ha' nakaltesink. Ink'a' chik neke'ch'olaak chi aatinak ut yookeb' xkalajik naq neke'raqok aatin.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Éxodo 23:8

“Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

Proverbios 20:1

Li ha' li nakaltesink napo'ok na'leb'; li nakalaak nakaano'k ru ut nasachk xna'leb': maajoq'e tixtaw xchaab'il na'leb'.

Proverbios 23:29

Ani aj e li rahilal, ani aj e li tz'uyink, ani aj e li raaxiik' ut li yaab'ak? Ani natiq'e'k chi maak'a' xyaalal? Ani kaqkaq xsa' eb' li ru?

Proverbios 31:4

At Lemuel, moko us ta naq eb' li awab'ej te'kalaaq chi moko naq li xjolomileb' li tenamit te'ruk' li ha' nakaltesink,

Isaías 22:13

Ab'anan laa'ex sa chik sa' leech'ool ut yookex chi ninq'ehik, yookex chi kamsink wakax ut karneer, junes tiwok tib' ut uk'ak b'iin nekeb'aanu: “Wa'aqo ut uk'aqo xb'aan naq wulaj kab'ej tookamq”, -chankex-.

Isaías 24:9

Maajun chik na'uk'ak b'iin naq yo li b'ichank, ut jwal k'a aj chik li uk'a' cho'q reheb' li neke'uk'ak.

1 Reyes 20:16

Ke'elk chaq tuqtuuk wa'leb', naq laj Ben-Adad yo chi kalaak aran Sukot, rochb'eeneb' li kab'laju xka'k'aal chi awab'ej li ke'okenk chirix.

Proverbios 31:5

xb'aan naq wi neke'kalaak, nasachk li chaq'rab' sa' xch'ooleb' ut ink'a' chik neke'xkol li neb'a'.