Isaías 5:19 - Q'eqchi Bible

¹⁹ Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Li Santil hu

¹⁹ La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Isaías 5:19 ပူးပေါင်းရင်းမြစ်များ

Ezequiel 12:22

“At kaamel winq, k'aru naraj naxye li aatin yookex chi xyeeb'al laa'ex aj Israel: «Yo chi nume'k li kutan ut ink'a' nak'ulmank li k'utb'esinb'il chiru li propeet sa' moy u»?

Jeremías 17:15

Chak'e reetal naq eb' li poyanam neke'xye we: “B'ar xkoho li raatin li Qaawa'? Chitz'aqloq ajwi' ru anaqwan”, chankeb'.

Jeremías 23:36

Ab'anan maajoq'e chik teeye: «A'an li iiq xk'ehom li Qaawa'», xb'aan naq wi teeroksi li aatin a'an, a'an taaq'apluuq sa' eeb'een. Laa'ex xepo' xyaalal li raatin li yo'yookil Yos, a' li Qaawa', li qaNimajwal Yos.

Ezequiel 12:27

“At kaamel winq, eb' laj Israel yookeb' chi xyeeb'al naq toj maji' taak'ulmanq li k'aru xk'utb'esiik chawu sa' moy u; toj sa'eb' li kutan chaalel taak'ulmanq.

Jeremías 23:18

Ab'anan, ani sa' xyanqeb' a'an xtz'aqonk sa' li xk'uub'ank li Qaawa'? Ani x'ilok ut x'ab'ink li aatin kixye? Ani xk'e xch'ool chi rab'inkil li raatin li Qaawa'?

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Isaías 30:11

Elenqex chiqu ut meetaaqe chik li chaab'il b'e; ink'a' chik naqaj rab'inkil leeraatin chirix li xSant laj Israel”.

Jeremías 36:23

Rajlal naq laj Jehudí naxyaab'asi oxib' malaj kaahib' tzol chi aatin, li awab'ej naxseti a'an chiru li xch'iich' laj tz'iib' ut naxkut sa' ru xam. Jo'kan kixb'aanu toj reetal kixchoy xk'atb'al li hu sa' li ru xam.

Oseas 10:3

“Maak'a' qa'awab'ej -cha'qeb'- xb'aan naq ink'a' xqoxloq'i ru li Qaawa'. Ab'an k'a' tawi' ru tixb'aanu qe junaq awab'ej?”.

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.