Isaías 5:18 - Q'eqchi Bible

¹⁸ Ra chaalel sa' xb'eeneb' li neke'yoob'ank rahilal rik'in li b'alaq'ik ut neke'k'amok chaq li maak jo' tawi' yookeb' chi kelonk kareet.

Li Santil hu

¹⁸ Raylal ta̱cha̱lk saꞌ e̱be̱n la̱ex li nequexcꞌamoc chak ma̱usilal riqꞌuin ticꞌtiꞌ. Chanchan li bacꞌbo che̱rix; joꞌ ajcuiꞌ la̱ex li nequexcꞌamoc chak re li ma̱c li chanchan li yo̱quex chixquelonquil che̱rix.

Isaías 5:18 ပူးပေါင်းရင်းမြစ်များ

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Salmos 36:2

Li ink'a' us xna'leb', a' li maak na'aatinak sa' xchamal li xch'ool; tik ink'a' naxxiwa ru li Yos.

Hechos 26:9

“Laa'in ajwi' junxil kink'oxla naq teneb'anb'il sa' inb'een k'anjelak chi kaw re xramb'al xk'ab'a' li Jesus aj Nazaret.

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

Sofonías 1:12

“Sa' li kutan a'an tinxok linsaqenk ut tinpoqle li tenamit Jerusalén. Toja' naq tink'eheb' chi xtojb'al li xmaakeb' li k'ojk'ookeb' xch'ool ut sa yookeb' chi hilank, eb' li neke'yehok sa' xch'ooleb': «Li Qaawa' maak'a' naxb'aanu: chi moko li us chi moko li ink'a' us».

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Salmos 14:1

Re li xjolomileb' laj b'ichanel. Xsaalm laj David. Eb' li jip neke'xk'oxla naq maak'a' li Yos. Sachenaqeb', oso'jenaqeb' sa'eb' li xyib' aj na'leb', maajun reheb' nab'aanunk li us.

Salmos 10:11

Naxye sa' xch'ool: “Li Yos ink'a' chik nak'oxlak, ink'a' na'ilok, maajaruj tixnaw a'in”, chan.

Jueces 17:13

Toja' naq laj Mikaías kixye: “Anaqwan ninnaw naq li Qaawa' trusila wu, xb'aan naq wank jun aj Leví wik'in cho'q aj tij”, chan.

Jueces 17:5

Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

Jeremías 36:23

Rajlal naq laj Jehudí naxyaab'asi oxib' malaj kaahib' tzol chi aatin, li awab'ej naxseti a'an chiru li xch'iich' laj tz'iib' ut naxkut sa' ru xam. Jo'kan kixb'aanu toj reetal kixchoy xk'atb'al li hu sa' li ru xam.

Proverbios 4:17

Li xwaheb', a'an li maa'usilal; ut li ruk'a'eb', a'an li raaxiik'.