Isaías 5:17 - Q'eqchi Bible

¹⁷ Te'juk'e'q li tenamit ut aran, sa' li xpo'lemeb', te'ichajib'q eb' li karneer ut eb' li chib'aat.

Li Santil hu

¹⁷ Eb li carner teꞌcuaꞌak saꞌ li tenamit jucꞌbil. Ut eb li jalaneb xtenamit teꞌcua̱nk saꞌ lix naꞌajeb li biom li ac juqꞌuinbil.

Isaías 5:17 ပူးပေါင်းရင်းမြစ်များ

Sofonías 2:6

Li na'ajej wank chire li palaw taakanaaq cho'q pach'aya': aran te'xch'utub' rib' eb' laj k'aak'alehom ketomq, aran te'tz'apmanq eb' li karneer”, chan li Qaawa'.

Isaías 7:25

Sa'eb' li tzuul b'arwi' nak'aleek li ch'och' rik'in jokleb' maajun chik taaruuq chi ok aran xb'aan xk'ihaleb' li k'ix ut li pim; a'anaq chik xna'ajeb' li wakax ut eb' li karneer.

Sofonías 2:14

Te'juk'manq eb' li tz'alamche'il ochoch, ut aran chik te'hilanq eb' li ketomq jo'wi' chixjunileb' li k'iila paay chi xxulel k'iche'. Aran te'warq eb' li jotz ut eb' li k'ix uch sa' xb'eeneb' li oqech; eb' li warom te'yaab'aqje'q sa' li b'entaan ut eb' li tuntz'oq sa'eb' li okeb'aal.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.

Lamentaciones 5:2

Anaqwan chixjunil li qeechanihom xq'axonk sa' ruq'eb' laj ab'l tenamit; ut eb' li qochoch, jalan chik x'eechanink re.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Isaías 65:10

Sarón a'anaq xna'ajeb' li karneer, ut li xtaq'ahil Akor taakanaaq cho'q xwa'leb'aaleb' li wakax, cho'q reheb' lintenamit xe'sik'ok we.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Isaías 17:2

Eb' li tenamit sa' xteepal Siria te'kanab'aaq chi junajwa ut te'sutq'iiq cho'q xna'ajeb' li ketomq; aran te'hilanq eb' li xul ut maajun taaxib'esinq reheb'.

Isaías 10:16

Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Isaías 1:7

Leena'aj xkanaak chi po'lemil ut eb' leetenamit yookeb' chi k'atk. Eb' li xik' neke'ilok eere a'aneb' chik neke'tzekank ru leerawimq. Nakirnak aj chik chixjunil jo' naq kisache'k ru li tenamit Sodoom.

Salmos 119:70

Jwal kaw xch'ooleb' a'an, chanchan sutsu chi xeeb'; a'ut laa'in wank xsahil li waanm rik'in laataqlahom.

Salmos 73:7

Nujenaqeb' chi lab'al ut maa'usilal, numtajenaq sa' raanmeb' li yib' aj na'leb'.

Salmos 17:14

kolin rik'in laawankil chiruheb' ut chawisiheb' sa' li ruuchich'och' a'in: che'reechaniiq taxaq ka'ajwi' li yu'am a'in! Nujob'resi li xsa'eb' rik'in li k'aru xak'uub' cho'q reheb'; che'k'ojlaaq xch'ooleb' li ralal xk'ajoleb', ut li rela' che'xkanab' reheb' li ri xmameb'.

Salmos 17:10

Eb' a'an xe'pixirk, k'ajo' xq'etq'etileb' naq neke'aatinak!

Nehemías 9:37

Chixjunil li rawimq li ch'och' nak'ule'k xb'aaneb' li awab'ej li kaxaqab' sa' qab'een re xtojb'al rix qamaak. Laa'o ut li qaketomq wanko rub'el xwankileb' a'an. Jo'kan naq q'axal ra wanko!”.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Oseas 4:16

Laj Israel xq'etq'eti rib' chiru li Qaawa' jo' junaq wakax kaan ru: chan tawi' ru naq taach'oolaniiq xb'aan li Qaawa' jo' junaq ch'ina karneer sa' li chaab'il pach'aya'?