Isaías 5:16 - Q'eqchi Bible

¹⁶ Taaterq'usiiq xloq'al li Nimajwal Yos sa' li raqb'a aatin, ut li Qaawa' tixk'ut li xsantilal rik'in xb'aanunkil li tiikilal.

Li Santil hu

¹⁶ Caꞌaj chic li nimajcual Dios ta̱qꞌuehekꞌ xlokꞌal xban nak narakoc a̱tin saꞌ ti̱quilal. Li Ka̱cuaꞌ Dios tixcꞌutbesi lix santilal xban lix ti̱quilal xchꞌo̱l.

Isaías 5:16 ပူးပေါင်းရင်းမြစ်များ

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Isaías 12:4

ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

1 Pedro 2:15

Xb'aan naq a'an a'in li naraj li Yos: naq rik'in xb'aanunkil li us teetz'ap xsa' reheb' li maak'a'eb' xna'leb' ut memeb'.

Ezequiel 36:23

Laa'in tink'ut chiruheb' li tenamit naq q'axal sant link'ab'a' li muxb'il eeb'aan sa' xyanqeb' li xninqal ru tenamit. Ut naq tinb'aanu a'in, eb' a'an te'xnaw naq laa'in li Qaawa' -chan li Qaawa'-.

Isaías 29:23

naq te'ril li ninb'aanu sa' xyanqeb', te'xsantob'resi link'ab'a', te'xch'olob' li xsantilal li xYos laj Jakob ut te'xxiwa ru li xYos laj Israel.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Isaías 33:5

Li Qaawa' q'axal nim xwankil xb'aan naq sa' choxa wank; xnujob'resi Sión rik'in li tiikilal ut li k'ulub'ej,

Isaías 8:13

A' li Nimajwal Yos, li q'axal Sant, A'an teexiwa ut teeroxloq'i ru.

Ezequiel 38:23

Chi jo'kan tink'ut linwankilal ut linsantilal chiruheb' li k'iila teep chi tenamit. Tink'ut wib' chiruheb' ut eb' a'an te'xnaw naq laa'in li Qaawa'.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Isaías 61:8

Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

Isaías 28:17

Li k'ulub'ej tink'e cho'q b'isleb' sa' li xxaqab'ankil Sión, ut li tiikil ch'oolej tink'e cho'q aj tuqub'anel ru”. Li saqb'ach taasachoq re chixjunil li tik'ti' li nekekol wi' eerib', ut li b'ut'iha' taapo'oq re li nekekawub'resi wi' eech'ool.

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Salmos 21:13

Xb'aan naq laa'at tat-aanilasinq reheb', laa'at tatjayalinq reheb' rik'in laasimaj.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

1 Pedro 1:16

xb'aan naq tz'iib'anb'il sa' li Santil Hu: “Santaqex xb'aan naq santin laa'in”.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Ezequiel 28:22

Ye re chi jo'ka'in: «Li Qaawa' xye chi jo'ka'in: Laa'in xik' chik nakatwil, a Sidón; ut rik'in li tinb'aanu sa' eeyanq, taak'ehe'q inloq'al. Naq tinraqoq aatin sa' aab'een ut tink'ut linsantilal chawu, taanawmanq naq laa'in li Qaawa'.

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

Isaías 33:10

“Anaqwan tinwakliiq -chan li Qaawa'-; anaqwan tink'ut linloq'al ut linwankil.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Números 20:13

A'an a'in li ha' re Meribá, b'arwi' eb' laj Israel ke'xwech' rix li Qaawa' ut A'an kixk'ut li xsantilal chiruheb'.

Isaías 2:9

Xe'xkub'si li xwankileb' ut xe'wiq'laak chiruheb' li jalanil yos. Jo'kan naq maakuyeb' xmaak, at Qaawa'.

Ezequiel 28:25

“Laa'in, li Qaawa', ninye chi jo'ka'in: Tinch'utub' li tenamit Israel sa' xyanqeb' li tenamit cha'chookeb' wi', ut tink'ut linsantilal chiruheb'. Eb' li ralal xk'ajol aj Israel te'na'ajunq sa' li xna'ajeb', sa' li ch'och' kink'e re laj Jakob, laj k'anjel chiwu.