Isaías 5:12 - Q'eqchi Bible

¹² Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Li Santil hu

¹² Ut saꞌ li ninkꞌe li nequeba̱nu yo̱ le̱ son. Nak nequeqꞌue le̱ son nequechꞌeꞌ li arpa, li salterio, li tambor, ut li xo̱lb. Ut nequerucꞌ li vino. Abanan incꞌaꞌ nequecꞌoxla li Dios chi moco nequeqꞌue retal li cꞌaꞌru naxba̱nu.

Isaías 5:12 ပူးပေါင်းရင်းမြစ်များ

Salmos 28:5

Xb'aan naq ink'a' neke'xk'e sa' xch'ool jo'nimal li kixb'aanu li Qaawa', a'eb' li xninqal ru xb'aanuhom: mikuye'k xmaakeb' ut che'sache'q chi junajwa.

Li xHu LAJ JOB 34:27

xb'aan naq ink'a' xe'raj xpaab'ankil li Qaawa' chi moko xe'xtaaqe li xb'e.

San Judas 1:12

Eb' a'in xutaanal ajwi' rilb'aleb' naq wankeb' sa' eeyanq sa' leeloq'laj ninq'e: neke'wa'ak neke'uk'ak sa' eeyanq chi maak'a'eb' xxutaan, yookeb' chi xch'oolaninkileb' rib' xjuneseb'. Jo'keb' li choql li maak'a' hab' chisa', taqen kub'eneb' xb'aan li iq', chanchaneb' li che' maak'a'eb' li ru sa' xq'ehil, ka' wa kamenaqeb', mich'b'il li xxe'eb';

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Isaías 22:13

Ab'anan laa'ex sa chik sa' leech'ool ut yookex chi ninq'ehik, yookex chi kamsink wakax ut karneer, junes tiwok tib' ut uk'ak b'iin nekeb'aanu: “Wa'aqo ut uk'aqo xb'aan naq wulaj kab'ej tookamq”, -chankex-.

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Génesis 31:27

K'a'ut naq xat-elelik sa' muqmu? Xinaab'alaq'i ut maak'a' xaye we. Laa'in xatinchaq'rab'i raj sa' sahil ch'oolej, b'ichank ut wajb'ak.

1 Corintios 14:7

Jo'ka'in nak'ulmank rik'ineb' li wajb' jo' li xolb' ut li aarp. Wi ta ink'a' jalan jalanq li xyaab'eb', chan raj ru naq taanawmanq li na'elk sa' li xolb' ut li na'elk sa' li aarp?

1 Samuel 12:24

Chexiwa ru li Qaawa' ut k'ehomaq eech'ool chi k'anjelak chiru chi yaal, xb'aan naq ak eerilom li sachb'ach'oolej li xb'aanu sa' eeyanq.

2 Samuel 19:35

Kaak'aal chihab' wank we ut laamoos ink'a' chik nareek'a xsahil li k'aru naxtzeka ut naruk', k'aru wank xsahil ut k'aru ink'a'. Chi moko saqenk ta chik nawab'i li xyaab' xkuxeb' li winq ut li ixq aj b'ichaneleb'. K'a'ut naq tink'e iiq sa' aab'een laa'at li awab'ej, aj eechal we?

Isaías 24:8

Ink'a' chik neke'eek'ank eb' li wajb', ink'a' chik na'ab'iik xyaab' li aarp ut xraqe'k li xsahil xch'ooleb' li neke'ninq'ehik.

Isaías 29:1

Rahilal chaalel sa' xb'een Ariel, li tenamit kiwank wi' laj David! Ninq'ehinqex wan, wiib' oxib'aq chihab' chik,

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Ezequiel 26:13

Chi jo'kan tinraq li xsahil laach'ool ut ink'a' chik taa'ab'imanq xyaab' laa'aarp.