Isaías 5:11 - Q'eqchi Bible

¹¹ Ra chaalel sa' xb'eeneb' li neke'atawank b'iin toj eq'la, ut naq na'ok li q'oqyink, toj yookeb' xkalajik.

Li Santil hu

¹¹ Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.

Isaías 5:11 ပူးပေါင်းရင်းမြစ်များ

Romanos 13:13

Wanqo sa' xyaalal jo' sa' kutan saqenk, chi maak'a'aq numwa'ak ut kalaak, chi moko ko'b'eetak yumb'eetak ut yib' aj na'leb', chi maak'a'aq raaxiik' ut kaqalink.

Isaías 5:22

Ra chaalel sa' eeb'een li kaw eerib' chi kalaak, ut maajun naq'axok eeru chi xyiib'ankil li ha' nakaltesink.

Proverbios 20:1

Li ha' li nakaltesink napo'ok na'leb'; li nakalaak nakaano'k ru ut nasachk xna'leb': maajoq'e tixtaw xchaab'il na'leb'.

Gálatas 5:21

sowenk, kalaak, num wa'ak num uk'ak, ut wank chik xkomon jo'keb' a'in. Chirix a k'a'aq re ru a'in ak inyehom eere, ut ninjultika wi' chik cheru naq eb' li neke'b'aanunk re chixjunil a'in moko te'reechani ta li xnimajwal awab'ejihom li Yos.

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

Isaías 28:1

Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.

Habacuc 2:15

Ra chaalel sa' aab'een laa'at li nakakaltesiheb' laawechkab'al ut nakayu li b'iin rik'in li b'an nakaanob'resink u, re xsachb'al xwankileb' ut xk'utb'al xxutaaneb'.

Proverbios 23:32

Ab'an sa' roso'jik chanchan xmay li k'anti'; ra natiwok kama' jun ikb'olay.

1 Samuel 25:36

Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

2 Samuel 19:35

Kaak'aal chihab' wank we ut laamoos ink'a' chik nareek'a xsahil li k'aru naxtzeka ut naruk', k'aru wank xsahil ut k'aru ink'a'. Chi moko saqenk ta chik nawab'i li xyaab' xkuxeb' li winq ut li ixq aj b'ichaneleb'. K'a'ut naq tink'e iiq sa' aab'een laa'at li awab'ej, aj eechal we?

Isaías 22:13

Ab'anan laa'ex sa chik sa' leech'ool ut yookex chi ninq'ehik, yookex chi kamsink wakax ut karneer, junes tiwok tib' ut uk'ak b'iin nekeb'aanu: “Wa'aqo ut uk'aqo xb'aan naq wulaj kab'ej tookamq”, -chankex-.

Isaías 24:9

Maajun chik na'uk'ak b'iin naq yo li b'ichank, ut jwal k'a aj chik li uk'a' cho'q reheb' li neke'uk'ak.

Isaías 28:3

ut tixyeq'i sa' roq li tenamit neke'xnima wi' rib' eb' laj Efraín li jwal kalajenaqeb'.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Habacuc 2:5

Relik chi yaal naq li b'ihomal nab'alaq'ik; li maak'a'eb' xna'leb' neke'xyal xq'e chi xsik'b'al xtumineb', ut junelik neke'raj xkomon: chanchaneb' li kamk, chanchaneb' li xjulel kamenaq li junelik yo chi royb'eninkil eb' li te'ok chisa'. Neke'xik yalaq b'ar chi sachok tenamit, chi ink'a' nak'ojlaak xch'ooleb'.