Isaías 49:9 - Q'eqchi Bible

⁹ re xyeeb'al reheb' li wankeb' sa' tz'alam: «Elenqex chaq», ut li wankeb' chaq sa' aak'ab': «K'utomaq eerib'». Sa' chixjunileb' li b'e te'xtaw chaab'il pach'aya' jo'wi' xwaheb' li ketomq chiru chixjunileb' li tzuul.

Li Santil hu

⁹ Ta̱cuachꞌabeb li chapcho̱queb ut ta̱cutanobresi lix beheb li cuanqueb saꞌ kꞌojyi̱n. La̱at tat-ilok reheb joꞌ nak li pastor narileb lix carner nak naxqꞌueheb chi ichajibc chire li be ut saꞌ li pachꞌayaꞌ saꞌ eb li cocꞌ bol.

Isaías 49:9 ပူးပေါင်းရင်းမြစ်များ

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Isaías 42:7

re xteeb'al xsa' ruheb' li mutz', re rach'ab'ankileb' li wankeb' sa' tz'alam ut re risinkileb' chi tz'apam li wankeb' sa' li aak'ab'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 41:18

Tinyoob'tesiheb' li nima' sa'eb' li t'ojoch aj tzuul, ut eb' li yu'amha' te'wanje'q chiruheb' li taq'a. Tinsutq'isi li chaqich'och' cho'q k'anha', ut taayo'laaq ha' sa' li joxk' na'ajej.

Isaías 9:2

Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

Salmos 102:20

Naq li Qaawa' x'ilok chaq toj sa' li xloq'laj tzuul, toj sa' choxa xk'utzub' chaq rib' rilb'al li ruuchich'och',

Salmos 69:33

Naq te'ril a'an eb' li neb'a', q'axal te'saho'q xch'ool, ut taawanq xkawub' xch'ooleb' li neke'sik'ok re li Yos!

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Juan 10:9

Laa'in li okeb'aal. Ani taa'ok sa' ink'ab'a', kolb'ilaq; taa'ok, taa'elq ut tixtaw xwa.

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Ezequiel 34:29

Chaab'il ch'och' tink'e reheb' re naq wanq naab'al li awimq; maajoq'e chik te'xkuy li we'ej, chi moko te'se'eeq chik xb'aaneb' laj ab'l tenamit.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

Isaías 5:17

Te'juk'e'q li tenamit ut aran, sa' li xpo'lemeb', te'ichajib'q eb' li karneer ut eb' li chib'aat.

Salmos 146:7

A'an naraqok aatin chirixeb' li rahob'tesinb'ileb' ut naxk'e xwaheb' li te'tz'okaaq. Li Qaawa' narach'ab' li wankeb' sa' tz'alam,

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.

Deuteronomio 32:13

Kixxaqab'eb' xwankil, kixch'oolaniheb' rik'in rawimq li ch'och' ut kixk'eheb' chi xyalb'al li xya'al kab' li na'elk chaq sa' li saqoonak, jo' ajwi' li x'aseeytul li raxpek.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Isaías 48:17

Jo'ka'in kixye li Qaawa', laj Kolol aawe, li xSant laj Israel: “Laa'in li Qaawa', laaYos; laa'in nink'ut chawu li k'aru us cho'q aawe ut nakatinb'eres sa' li b'e tento taak'am.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Levítico 25:54

“Ut wi ink'a' xkole'k chiruheb' li chihab' a'an, taakanaaq chi ach'ab'anb'il sa' xchihab'il li ach'ab'ank, rochb'eenaqeb' li ralal xk'ajol,