Isaías 49:2 - Q'eqchi Bible

² Kixk'e chi xtz'uumal we li aatinak chi yaal, jo' tawi' li q'esnal ch'iich', ut kinxkol rik'in xwankilal li ruq'; kinxji' jo' jun simaj q'esq'es li ru'uj ut sa' rochochil li simaj kinxk'uula.

Li Santil hu

² Quixqꞌue innaꞌleb re tinnau a̱tinac chi cha̱bil. Chanchanin jun li chꞌi̱chꞌ kꞌes ruꞌuj. Aꞌan qui-iloc cue re nak ma̱cꞌaꞌ tincꞌul. Quinixcauresi chi us. Chanchanin li tzimaj li kꞌes ruꞌuj cuan saꞌ rochochil.

Isaías 49:2 ပူးပေါင်းရင်းမြစ်များ

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Apocalipsis 1:16

Sa' li xnim uq' wankeb' wuqub' chi chahim ut sa' re na'elk chaq jun li jutz' ch'iich' ka'pak'al xq'esnal, ut li xnaq' ru kama' li saq'e naq nalemtz'unk chi k'ajo' xtiqwal.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Isaías 51:16

Laa'in xink'e li waatin chi xtz'uumal aawe ut xatinmuheela rub'el inwankil. Laa'in kinhelok re li choxa ut kink'ojob' li ruuchich'och' sa' xna'aj, ut anaqwan ninye re Sión: «Laa'at lintenamit»”.

Apocalipsis 2:12

“Tz'iib'an rik'in li x'ánjel li Iklees li wank Pérgamo: «A'in naxye li wank xjutz' ch'iich' ka'pak'al xq'esnal.

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

Salmos 91:1

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos,

Apocalipsis 19:15

Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich', ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos.

San Lucas 23:46

ut li Jesus kixjap re chi kaw: —At inYuwa', sa' laawuq' tinq'axtesi linmusiq', chan. Ut naq kixye a'in, ki'elk xch'ool.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Efesios 6:17

Chapomaq ajwi' li xtz'apb'al eejolom, a'an li kolb'a ib', jo'wi' li xch'iich'ul li Musiq'ej, a'an li Raatin li Yos.

Apocalipsis 2:16

Yot' b'i' aach'ool jal aak'a'uxl. Wi ut ink'a', tinxik chi seeb' wankat wi' ut tinyaloq rik'ineb' a'an chiru li ch'iich' na'elk chi xtz'uumal we.

Éxodo 33:22

Ut naq taanume'q linloq'al, tatink'e sa' jun xjob'olal li pek ut tatinmuheela rik'in li wuq' toj reetal tinnume'q.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Habacuc 3:11

Li saq'e ut li po xe'kanaak sa' li xna'ajeb' naq xe'ril li xlemtz'unkil li ral laasimaj ut naq xxamlotk laajutz'che'.