Isaías 48:9 - Q'eqchi Bible

⁹ “Sa' xk'ab'a' linloq'al xinkuy linjosq'il, re naq taaterq'usiiq link'ab'a', xinkuy wib' ut ink'a' xinsach aawu.

Li Santil hu

⁹ Abanan xban xti̱quilal inchꞌo̱l, la̱in incꞌaꞌ xincꞌut injoskꞌil. Xban lin lokꞌal xincuy cuib. Joꞌcan nak incꞌaꞌ xinsach e̱ru.

Isaías 48:9 ပူးပေါင်းရင်းမြစ်များ

Isaías 37:35

Laa'in tinkoloq re li tenamit a'in, re naq ink'a' taasache'q, sa' xk'ab'a' linloq'al ut xb'aan xraab'al laj David laj k'anjel chiwu»”.

Salmos 143:11

Laa'at li Qaawa': chakol taxaq linyu'am; sa' xk'ab'a' xtiikilal laach'ool chinaawisi sa' li rahilal wankin wi'.

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

Salmos 79:9

At Qaawa', at aj Kolol qe, choohaatenq'a taxaq, sa' xk'ab'a' li xnimal aaloq'al. Choohaakol taxaq, chakuy chasach ta qamaak sa' xk'ab'a' laawankilal ut laatiikilal.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

Ezequiel 20:44

Ex aj Israel, teenaw naq laa'in li Qaawa', naq teek'e reetal linrahom sa' eeb'een, sa' xk'ab'a' linloq'al ut maawa' jo' chanru leeyib' aj na'leb' ut leemaa'usilal»”, chan li Qaawa'.

Ezequiel 20:22

Ab'anan kinkuy linjosq'il ut ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Ezequiel 20:14

Ab'anan, sa' xk'ab'a' linloq'al, ink'a' kinb'aanu, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Isaías 48:11

Sa' xk'ab'a' linloq'al ut linrahom xinb'aanu: maajoq'e tinkanab' chi muxe'k link'ab'a', chi moko tinq'axtesi linloq'al re jalan chik.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Salmos 25:11

Sa' xk'ab'a' xnimal aarahom chinaakuy, at Qaawa', xb'aan naq q'axal nim linmaak.

1 Samuel 12:22

Sa' xk'ab'a' li xnimal xloq'al, li Qaawa' ink'a' texxtz'eqtaana, xb'aan naq A'an xk'ul ru eek'eeb'al cho'q xtz'aqal tenamit.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Proverbios 19:11

Li wank xk'a'uxl naxkuy li xjosq'il; ut naxtaw xloq'al wi ink'a' naxk'e sa' xch'ool li hob'e'k.

Josué 7:9

Naq eb' laj Kanahán jo'wi' chixjunileb' li wankeb' sa' li na'ajej a'in te'xnaw a'an, te'xjunaji chaq rib' sa' qab'een ut te'xsach chi junajwa li qak'ab'a' sa' ruuchich'och'. Wi jo'kan taaqak'ul, k'aru taab'aanu laa'at re xkolb'al rix laaloq'al?”, chan laj Josué.

Isaías 65:8

Li Qaawa' kixye chi jo'ka'in: “Naq natawmank jun chiilaq chi uub' k'ajo' xya'al, naxye li winq: «Maab'atz'unle li uub' a'in xb'aan naq a'an jun rosob'tesihom li Yos», chan. Jo'kan ajwi' tinb'aanu laa'in sa' xk'ab'a'eb' laj k'anjel chiwu: ink'a' tinsach chixjunileb' li tenamit.

Ezequiel 36:21

Toja' naq q'axal kiraho'k linch'ool xb'aaneb' laj Israel, naq kink'e reetal naq majewanb'il linsantil k'ab'a' sa'atqeb' li tenamit ke'wulakje'k wi'.