Isaías 48:6 - Q'eqchi Bible

⁶ Laa'at xawab'i ut xawil chixjunil, ut tento taak'ulub'a naq yaal a'an. Anaqwan nink'e chanaw ak' na'leb', jun muqmuukil na'leb' li toj maji' aanawom.

Li Santil hu

⁶ Ac xerabi chixjunil li ac xcꞌulman. Cꞌoxlankex chi us. Tento nak te̱ye nak ya̱l li cꞌaꞌru xinye e̱re. Chalen anakcuan jalan chic li tinye e̱re. Tinye e̱re li ma̱ jun sut e̱rabiom junxil.

Isaías 48:6 ပူးပေါင်းရင်းမြစ်များ

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Isaías 42:9

Ilomaq, li k'aru xinye chaq xb'enwa, ak xk'ulmank; anaqwan ak' esil chik tinye eere; tink'e chenaw naq toj maji' nak'ulmank”.

San Mateo 10:27

Li k'aru ninye eere sa' aak'ab', cheye chi kutankil; ut li nekerab'i chi hasb'anb'il sa' eexik, chepuktesi resil sa' xb'een kab'l.

Isaías 43:19

Jalan chik li k'aru tinb'aanu, ut ak xintikib' xb'aanunkil. Ma toj maji' nekek'e reetal? Yaal naq tinte junaq b'e sa' li chaqich'och', jo' junaq nimb'e sa' li junesal na'ajej.

1 Corintios 2:9

Ab'anan, jo' naxye li Santil Hu: “Li ink'a' ilb'il ru, li ink'a' ki'ab'iik, chi moko kik'oxlaak sa' xch'ool li winq, a'an li kixkawresi li Yos cho'q reheb' li neke'rahok re”.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Isaías 21:10

Ex intenamit, q'axal ra xek'ul jo' na'uxk re li triiw nayeq'iik re risinkil li rix. Li k'aru xwab'i rik'in li Nimajwal Yos, li xYos laj Israel, a'an ajwi' li xinnumsi chawu.

Salmos 119:13

Rik'in xtz'uumal we tinpuktesi resil chixjunil li aatin yeeb'il aab'aan.

Salmos 107:43

Wi wank junaq li wank xna'leb', chixk'uulahaq sa' xch'ool chixjunil a'in ut chixtawaq ru li xnimal xrahom li Qaawa'!

Apocalipsis 1:19

Tz'iib'a li k'aru xawil: li yo chi k'ulmank ut li taak'ulmanq moqon.

Miqueas 6:9

Li Qaawa' xjap re chi xb'oqb'al Jerusalén: “Ab'ihomaq, ex tenamit ut li nekexk'ehok na'leb'!

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Isaías 48:7

Maawa' xkomon li k'aru kinb'aanu najter, toja' anaqwan yookin chi xb'aanunkil. Maajun sut aawab'ihom resil toj anaqwan, re naq ink'a' taaye: «Ak ninnaw a'in».

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

Isaías 42:20

Naab'al li k'a'aq re ru aawilom, ab'an maajun xataw xyaalal; q'es raj laaxik chi ab'ink, ab'an maak'a' nakawab'i.