Isaías 48:4 - Q'eqchi Bible

⁴ Laa'in ninnaw naq kaw laajolom, kama'at li ch'iich', ut ink'a' naq'unaak laach'ool jo' li pek.

Li Santil hu

⁴ La̱in xinba̱nu chi joꞌcan xban nak ninnau nak la̱ex incꞌaꞌ nequetau xya̱lal. Cau e̱chꞌo̱l. Chanchan xcacuil li chꞌi̱chꞌ hierro ut bronce.

Isaías 48:4 ပူးပေါင်းရင်းမြစ်များ

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Éxodo 32:9

Kixye ajwi' li Qaawa' re laj Moisés: “Nink'e reetal naq li tenamit a'in q'axal kaw xjolom.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Deuteronomio 31:27

Xb'aan naq ninnaw chi us naq q'etq'etex ut kaw leejolom. A' wachik anaqwan, naq toj wankin sa' eeyanq, q'etq'etex chiru li Qaawa', ma toja' ta chik naq tinkamq!

Éxodo 33:5

xb'aan naq xyehom li Qaawa' re laj Moisés: “Ye reheb' laj Israel: «Laa'ex jun tenamit q'axal kaw leejolom. Wi ta laa'in texwochb'eeni, us ta yal junpaataq, texinsach raj chi junajwa. Jo'kan b'i', isihomaq cherix leechaab'il aq', ut moqon laa'in twil li k'aru tinb'aanu eere»”.

Salmos 78:8

Re naq ink'a' te'xb'aanu kama'eb' li xna' xyuwa'eb': eb' a'an tz'aqal aj q'etoleb' aatin chaq ut kaweb' xjolom, a'aneb' jun tenamit li kok'aq xsa' nach'inank xch'ool ut naxq'et li xchaq'rab' li Qaawa'.

Salmos 75:5

Ninye reheb' li q'etq'et: «Meeq'etq'eti chik eerib'»; ut reheb' li ink'a' useb' xna'leb': «Meenima chik eerib';

Éxodo 33:3

ut texwoksi sa' jun li ch'och' k'ajo' xq'emal. A'ut laa'in ink'a' texwochb'eeni, xb'aan naq laa'ex jun tenamit q'axal kaw leejolom. Mare anchal texinsach chi junajwa sa' b'e”.

Isaías 46:12

Ab'ihomaqin, laa'ex li kaw eejolom, li najt wankex rik'in li kolb'a ib':

2 Crónicas 36:13

Laj Sedesías ajwi' kixq'etq'eti rib' chiru laj Nabukodonosor, awab'ej re Babilonia, ut ink'a' chik ki'okenk chirix, us ta ak xyehom li raatin sa' jurament; kixkawub'resi b'an li xch'ool, kixjipu rib' ut ink'a' kisutq'iik rik'in li Qaawa', xYos laj Israel.

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

Daniel 5:20

Ab'anan kixnimob'resi rib' ut q'axal kiq'etq'eto'k; jo'kan naq ki'isiik sa' xwankil ut kimaq'e'k chiru li xloq'al.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

2 Crónicas 30:8

Anaqwan meejipi eerib' jo' ke'xb'aanu leena' leeyuwa'; q'axtesihomaq b'an eerib' chiru li Qaawa' ut kimqex sa' li xLoq'laj Muheb'aal li santob'resinb'il xb'aan chi junajwa. K'anjelanqex chiru li Qaawa' leeYos, ut taanajto'q eerik'in li xnimal xjosq'il.

2 Reyes 17:14

Ab'anan ink'a' ke'xpaab' ut ke'xjipi xch'ool, jo' ke'xb'aanu li xna' xyuwa'eb' naq ink'a' ke'xk'ojob' xch'ooleb' rik'in li Qaawa' li xYoseb'.

Deuteronomio 10:16

“K'ehomaq sa' leech'ool li reetalil li Sumwank ut meekawub'resi chik leejolom.

Nehemías 9:28

“Ab'an naq toje'aq rokikeb' sa' tuqtuukilal, ke'ok wi' chik chi maakob'k chawu; jo'kan naq kakanab'eb' sa' ruq'eb' li xik' neke'ilok reheb', li ke'numtaak sa' xb'eeneb'. Ke'xjap reheb' re xtz'aamankil xtenq'ankileb' aawe, ut laa'at toj sa' choxa kawab'iheb' chaq: xb'aan xnimal laarahom naab'al sut kakoleb'.

Ezequiel 2:4

Kaw ajwi' li xjolomeb' li ralal xk'ajol ut xjipo'k li xch'ooleb'. Sa' xyanqeb' a'an tatintaqla chi xyeeb'al reheb': «Jo'ka'in xye li Qaawa'», cha'qat.

Éxodo 9:7

Laj Parahón kixtaqla rilb'al k'aru xk'ulmank, ut kik'utunk naq maajun li xul reheb' laj Israel kikamk. Ab'anan kikawuuk xch'ool laj Parahón ut ink'a' kixkanab'eb' chi elk li tenamit.

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.