Isaías 48:18 - Q'eqchi Bible

¹⁸ Jwal us raj naq xapaab' linchaq'rab'! Li xsahil aach'ool q'axal yo raj chi k'iik jo' junaq nima', ut laawosob'tesinkil jo' raj xnimal li xkawil roq li palaw.

Li Santil hu

¹⁸ Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Isaías 48:18 ပူးပေါင်းရင်းမြစ်များ

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Isaías 66:12

Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.

Salmos 119:165

Jwal wankeb' sa' tuqtuukilal eb' li neke'rahok re laachaq'rab'; tik ink'a' neke'tichk'ok.

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Isaías 45:8

“Ex choxa, chehoy chaq li k'ajob'; ex choql, chetaqla chaq li tiikilal. Chitehonq li ch'och' ut chiruuchin li kolb'a ib'; rochb'eenaq a'an chi'atz'umaq li tiikil ch'oolej. Laa'in, li Qaawa', ninyoob'tesink re a'in”.

Salmos 36:8

At inYos, k'ajo' xchaq'al ru laarahom! Jo'kan naq eb' li poyanam neke'muhenk rub'el laakupuhom.

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

Amós 5:24

Ab'anan chiwanq li tiikilal jo' jun nima', ut li tiikil ch'oolej chiwanq jo' li roqha' ink'a' nachaqik.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Isaías 33:21

Aran li Qaawa' tixk'ut chiqu li xnimal xloq'al. K'ajo'aq xk'ihal li nima' ut xninqal roq li ha' sa' li na'ajej, ab'an ink'a' te'nume'q aran eb' li ninqi jukub' b'eresinb'ileb' xb'aaneb' li xik' neke'ilok qe.

Isaías 42:24

Ani xkanab'ank chi elq'aak laj Jakob ut xq'axtesink chi rahob'tesiik laj Israel? Ma maawa' tab'i' li Qaawa' li xoomaakob'k chiru? Ink'a' xe'raj xyu'aminkil li raatin chi moko xpaab'ankil li xchaq'rab'.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 61:11

Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

Isaías 62:1

Xb'aan xraab'al Sión ink'a' tinkanab' aatinak, sa' xk'ab'a' Jerusalén ink'a' tinkanaaq chi ch'anch'o, toj reetal taakutano'q li xloq'al li tiikilal ut taalemtz'uno'q laakolb'a ib' jo' junaq saqenk.

Oseas 10:12

Inyehom eere: «Wi teeraw li tiikilal, teeq'ol li chaab'ilal usilal. Chapomaq li ch'och' re li awk ut k'alenqex. Ak xq'ehil anaqwan xsik'b'al li Qaawa', re naq A'an taachalq eerik'in chekolb'al jo' naq nachalk li loq'laj hab'».