Isaías 48:12 - Q'eqchi Bible

¹² “Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

Li Santil hu

¹² La̱ex laj Israel, li ralal xcꞌajol laj Jacob, cherahihak li oc cue chixyebal. La̱in li Ka̱cuaꞌ. La̱in cuanquin saꞌ xticlajic ut cua̱nkin ajcuiꞌ toj saꞌ rosoꞌjic.

Isaías 48:12 ပူးပေါင်းရင်းမြစ်များ

Isaías 41:4

Ani xk'uub'ank ut xb'aanunk re a'in? A' li xk'ehok xyu'ameb' li poyanam chalen chaq junxil: laa'in, li Qaawa', li junaj chirib'il, li xtiklajik ut li xraqik.

Apocalipsis 22:13

Laa'in li Alfa ut li Omega, li xb'een ut li rosob'l, li xtiklajik ut li roso'jik”.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Isaías 43:11

Ka'ajin wi' li Qaawa', ut maak'a' chik junaq aj kolonel chiwu.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

1 Corintios 1:24

ab'an cho'q reheb' li b'oqb'ileb', jo'eb' laj Judiiy jo'eb' laj Griego, a'an li Kriist, xnimal xwankil ut xna'leb' li Yos.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

Romanos 1:6

Sa' xyanqeb' a'an wankex ajwi' laa'ex li b'oqb'ilex xb'aan li Jesukriist.

San Mateo 20:16

“Chi jo'kan eb' li wankeb' chi ixb'ej, te'kanaaq chik chi uub'ej, ut eb' li wankeb' chi uub'ej, te'kanaaq chi ixb'ej”.

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Isaías 51:4

“Ex intenamit, ab'ihomaqin; ex inpoyanam, k'ehomaq reetal li ok we xyeeb'al, xb'aan naq wik'in taa'elq li chaq'rab' ut lintaqlahom taakutanob'resinq re eb' li tenamit.

Isaías 51:1

“Ab'ihomaqin laa'ex li nekek'e eech'ool chi wank sa' tiikilal, laa'ex li nekexsik'ok re li Qaawa'. Sutq'inqex rik'ineb' leexe'toonil yuwa', k'ehomaq reetal li raxpek li kex'isiik wi' chaq naq kexk'ub'aak.

Isaías 34:1

Jilonqex chaq, ex tenamit, ut ab'ihomaq; k'ehomaq reetal chi us, ex poyanam. Ab'in, at ruuchich'och' ut chixjunil li wank chisa'; k'e reetal, at choxach'och' jo'wi' chixjunil li nayo'laak chiru.

Proverbios 8:32

“Ut anaqwan, ex walal ink'ajol, ab'ihomaq li waatin. Us xaq eere wi teetzol eerib' wik'in.

Proverbios 7:24

Jo'kan utan, at walal ink'ajol, chinaawab'i; k'e sa' laach'ool li aatin ninye aawe.

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

Isaías 43:10

Laa'ex lintestiiw -chan li Qaawa'-; laa'ex aj k'anjelex chiwu ut insik'om chaq eeru re naq teenaw wu ut k'ojk'ooq leech'ool wik'in, ut teetaw xyaalal anihin laa'in. Maak'a' chik junaq yos chiwu laa'in, chi moko taawanq junaq chik moqon chiwix.

Isaías 46:4

Toj sa' leetiixilal laa'inaq ajwi' leeYos; naq ak saqaq aj chik leejolom, texinch'oolani ajwi'. Laa'in kinyoob'tesink eere, ut toj texwil; texinb'eresi laa'in ut texinkol.

Isaías 44:1

“Ab'i, a Israel, aj k'anjelat chiwu; ab'i, a Jakob, insik'om chaq aawu.