Isaías 48:1 - Q'eqchi Bible

¹ “Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Li Santil hu

¹ Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Isaías 48:1 ပူးပေါင်းရင်းမြစ်များ

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Salmos 68:26

Chi uub'ej neke'xik laj b'ichanel, chi ixb'ej wankeb' li neke'wajb'ak; sa' yiib'ej neke'b'eek eb' li tuq'ixq, chi wankeb' xtzojtzoj tun sa' ruq'eb'.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.

Deuteronomio 6:13

A' li Qaawa' laaYos taaxiwa ru, ut chiru A'an tatk'anjelaq. Ka'ajwi' sa' xk'ab'a' A'an taaye jurament.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

Romanos 9:8

Naraj naxye: maawa'eb' ralal xk'ajol li Yos eb' li yal tz'ejwalej ke'yo'laak wi'; ka'ajwi' li yo'lajenaqeb' sa' xk'ab'a' li xyeechi'om li Yos, a'aneb' tz'aqal li k'eeb'ileb' sa' ajl cho'q ralal xk'ajol laj Abrahán.

Romanos 9:6

Moko yookin ta chi xyeeb'al naq li xyeechi'om li Yos ink'a' kitz'aqlok ru. Moko chixjunileb' ta li ralal xk'ajol laj Isael a'aneb' li xtz'aqal tenamiteb' laj Israel,

Romanos 2:17

Ab'anan k'aru tqaye chawix laa'at li nakak'ab'a'in aj judiiy? Nakakuutu aawib' rik'in li xChaq'rab' laj Moisés ut nakanima aawib' sa' xk'ab'a' laaYos.

San Juan 4:24

Li Yos a'an musiq'ej, ut eb' li neke'loq'onink tento te'loq'oninq rik'in Musiq'ej ut rik'in li yaal.

San Juan 1:47

Li Jesus kiril naq laj Natanael yo chi nach'ok, ut kixye: —We' chaq jun tz'aqal aj Israel li maak'a' b'alaq'ik rik'in.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Sofonías 1:5

Tinsach ruheb' li neke'taqe'k sa' xb'een li kab'l chi xloq'oninkileb' ru li chahim, eb' li neke'xwiq'ib' rib' chiwu laa'in ut neke'xpatz' ajwi' xk'ab'a' laj Milkón li xyoseb';

Isaías 62:8

Li Qaawa' kixye li xjurament sa' xk'ab'a' li xwankilal: “Maajoq'e chik tink'e laatriiw reheb' li xik' neke'ilok aawe, chi moko eb' li jalanil poyanam te'ruk' chik laab'iin li xatawasi wi' aawib',

Isaías 58:2

Neke'xye naq rajlal kutan nikine'xsik' ut nawulak chiruheb' xnawb'al li wajom, jo' jun tenamit nab'aanunk re li us ut ink'a' naxtz'eq chirix xch'ool li xtaqlahom li xYos. Neke'xpatz' we li chaq'rab' jwal chaab'il ut nawulak chiruheb' wank chink'atq.

Isaías 45:23

Sa' xk'ab'a' linloq'al xinye injurament, sa' we x'elk li tz'aqal yaal, jun li aatin xaqxooq xwankil chi junelik: «Chixjunileb' te'xwiq'ib' rib' chiwu, chixjunileb' te'yehoq jurament

Isaías 44:5

Li jun tixye: «Laa'in rehin li Qaawa'», li jun chik tixk'ab'a'in ralal xk'ajol laj Jakob, ut li jun chik tixtz'iib'a sa' ruq': «Li Qaawa' a'an laj eechal we», ut tixye naq xkomoneb' laj Israel”.

Isaías 26:13

At Qaawa', at qaYos, yaal naq jalaneb' chik xe'numtaak sa' qab'een, ab'an anaqwan maajun chik k'ab'a'ej wank sa' qach'ool: ka'ajwi' laa'at, at Qaawa'.

Proverbios 5:16

Maab'atz'unle laayu'am sa' b'e, chi moko chara jalan chik li ixq.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Salmos 63:11

che'kamsiiq ta rik'in ch'iich' re naq te'kanaaq cho'q xtib'eb' laj xojb'!

2 Reyes 17:34

Toj anaqwan ajwi' neke'xb'aanu jo' naxye li najter na'leb'. Ink'a' neke'xloq'oni chi chaab'il li Qaawa' ut ink'a' neke'xpaab' li raatin ut li xchaq'rab'; ink'a' neke'xk'uula sa' xch'ooleb' li xtaqlahom li Qaawa', li kixchaq'rab'iheb' wi' li ralal xk'ajol laj Jakob, li kik'ehe'k aj Israel cho'q xk'ab'a'.

Deuteronomio 33:28

Laj Israel wanq chi k'ojk'o li xch'ool; eb' li ralal xk'ajol laj Jakob wanqeb' sa' tuqtuukilal. Q'axal naab'al li triiw ut li uub' sa' li xch'och'eb'; junelik wanq li k'ajob' nachalk chaq sa' choxa.

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

Deuteronomio 5:28

“Li Qaawa' kirab'i leeraatin ut kixye we: «Xwab'i k'aru xe'xye li tenamit a'in, jo'ch'inal jo'nimal xe'xye aawe. Us xe'xye chirix chixjunil.

Números 24:7

Wanq tz'aqal li xha'eb'; tz'aqalaq re te'ruk' ut te'xt'aqresi li rawimqeb'. Li awab'ej re Israel taa'awab'ejinq sa' xb'een laj Agag, ut nimaq xwankil li x'awab'ejihom.

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Éxodo 23:13

“Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.

Génesis 35:10

“Laak'ab'a' laa'at a'an aj Jakob, ab'anan ink'a' chik taak'ab'a'in Jakob, aj Israel b'an chik taak'ab'a'in”, chan li Yos. Ut aj Israel kixk'e cho'q xk'ab'a'.

Isaías 46:12

Ab'ihomaqin, laa'ex li kaw eejolom, li najt wankex rik'in li kolb'a ib':

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Jeremías 44:26

Ab'anan ab'ihomaq li raatin li Qaawa', chejunilex laa'ex aj Judá li wankex Ejiipt: Laa'in, li Nimajwal Yos, ninye eere chi tz'aqal yaal naq maajun wa chik taapatz'manq link'ab'a' arin xb'aan junaq aj Judá; maajun chik tixye sa' xsutam Ejiipt: Sa' xk'ab'a' li Qaawa'!, cha'aq.

Zacarías 5:3

Toja' naq kixye we: “A'an li majewank xchalk sa' xb'een chixjunil li na'ajej a'in, jo' chanru tz'iib'anb'il sa' xka'pak'alil li hu. Xb'aan naq chixjunil laj elq' taa'isiiq arin, ut chixjunil li nayehok jurament sa' tik'ti' jo'kan ajwi' tixk'ul.

2 Reyes 5:20

naq laj Kejasí, laj tenq' re li propeet Eliseo, kixye sa' xch'ool: “Laj Eliseo, linqaawa', xkanab' chi xik laj Nahamán aj Aram, chi ink'a' xk'ul li xsiik raj re. Sa' xk'ab'a' li Qaawa', tinxik chi junpaat ut tinchap waanil chirix: mare tixsi kach'inaq we”.

Salmos 68:27

Cheloq'oni ru li Yos sa' leekomonil, chek'ehaq xloq'al li Qaawa', ex ralal xk'ajol laj Israel!

Isaías 51:1

“Ab'ihomaqin laa'ex li nekek'e eech'ool chi wank sa' tiikilal, laa'ex li nekexsik'ok re li Qaawa'. Sutq'inqex rik'ineb' leexe'toonil yuwa', k'ehomaq reetal li raxpek li kex'isiik wi' chaq naq kexk'ub'aak.

Isaías 51:2

K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.

Miqueas 2:7

Ma majewanb'il tab'i' li xtenamit laj Jakob? Ma maak'a' chik xkuyum li Qaawa'? Ma jo'ka'in naxb'aanu li Yos? Ma ink'a' tab'i' na'aatinak re rusilankil eb' li neke'b'aanunk li tiikilal?