Isaías 47:9 - Q'eqchi Bible

⁹ Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Li Santil hu

⁹ Abanan kꞌaxal ra te̱cꞌul. Saꞌ junpa̱t ta̱cha̱lk li raylal saꞌ e̱be̱n. Chiru jun cutan ta̱sachekꞌ le̱ cuanquil. Chanchanakex chic junak li ixk li xcam xbe̱lom malaj ut joꞌ junak li xcam ralal xcꞌajol. Usta la̱ex aj kꞌe ut usta nequenau tu̱lac, abanan incꞌaꞌ ta̱ru̱k te̱col e̱rib.

Isaías 47:9 ပူးပေါင်းရင်းမြစ်များ

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Salmos 73:19

Sa' junpaat te'kanaaq chi xiwajel rilb'aleb' ut te'ok chi oso'k xb'aaneb' xxiw.

Nahum 3:4

Ut chixjunil a'in xk'ulmank xb'aan li xmaa'usilal li tenamit Nínive. A'an chanchan jun li ixq aj yumb'eet: k'ajo' li xch'ina'usal ut li xchaq'alil ru, ut k'aynaq chi tuulak. Rik'in li ko'b'eetak ut tuulak xb'aanu naab'aleb' li tenamit xe'b'alaq'iik.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Daniel 4:7

Xe'chalk eb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, ut xinseeraq'i reheb' li moy u, ab'an maajun reheb' xru xch'olob'ankil li xyaalal.

Daniel 2:2

Toja' naq li awab'ej kixtaqla xb'oqb'aleb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, re naq te'xch'olob' chiru k'aru xyaalal li xmatk'. Ut naq ke'wulak rik'in,

Jeremías 51:29

Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Li xHu LIX RUT 1:20

Ab'an a'an kixsumeheb': —Meeye chik xNohemí we, xMará b'an teeye we xb'aan naq li Nimajwal Yos xinxnujob'resi rik'in rahil ch'oolej!

Li xHu LIX RUT 1:5

Ke'kamk ajwi' xkab'ichaleb' laj Majalón ut laj Kilyón, ut lix Nohemí kikanaak xjunes, chi maak'a' chik xb'eelom ut xkab'ichaleb' li xyum.

Isaías 13:16

Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Isaías 47:11

Jo'kan naq taachalq sa' aab'een jun rahilal chi ink'a' tatruuq chi xkolb'al aawib' chiru; q'axal ra taak'ul ut maak'a' xja'lenkil. Chi junpaat taachaalunq jun raaxiik' sa' aab'een li ink'a' nakawoyb'eni.

Jeremías 15:9

Q'axal ra xk'ul li na'b'ej li wank wuqub' li ralal, k'ajo' naq xmayok li xch'ool! Xkanaak sa' xutaanal ut xsache'k li xwankil; xq'oqyino'k ru li saq'e naq toj kutan. Ut eb' li te'kole'q sa' xyanqeb', laa'in tinq'axtesiheb' chi kamk chiruheb' li xik' neke'ilok reheb'”, chan li Qaawa' Yos.

Daniel 5:30

Chiru ajwi' li q'oqyink a'an kikamsiik laj Baltasar, awab'ej re Kaldeha.