Isaías 47:7 - Q'eqchi Bible

⁷ Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Li Santil hu

⁷ La̱ex queye, “Junelic ta̱cua̱nk kacuanquil.” Abanan incꞌaꞌ quecꞌoxla li cꞌaꞌru queba̱nu, chi moco quecꞌoxla li cꞌaꞌru yo̱quex chixcꞌulbal anakcuan.

Isaías 47:7 ပူးပေါင်းရင်းမြစ်များ

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Isaías 47:5

“K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Daniel 4:29

Jun chihab'aq chik a'an, naq yo chi b'eek li awab'ej sa' xka' k'ojar li rochoch aran Babilonia,

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Ezequiel 28:2

“At kaamel winq, ye a'in re li x'awab'ej Tiro: «Jo'ka'in xye li Qaawa': Xaq'etq'eti aawib' ut xaye naq yosat. K'ojk'ookin sa' xk'ojarib'aaleb' li yos ut sutsuukin xb'aan li palaw, chankat. Ab'anan yal winqat ut maawa'at yos, us ta nakak'oxla naq wank aana'leb' jo' yos.

Isaías 42:25

Jo'kan naq li Qaawa' k'ajo' naq xjosq'o'k rik'ineb' ut xrahob'tesiheb' rik'in li raaxiik'. Yalaq b'ar xlochmank xxamlel, ab'an ink'a' xe'xk'e reetal; xe'k'atmank, ab'an ink'a' xe'xtaw xyaalal.

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Isaías 57:1

Nakamk li winq tiik ru xyu'am ut maajun nak'oxlak chirix a'an. Neke'kamk li winq useb' xch'ool, ab'an maajun naxtaw xyaalal naq sa' li xkamikeb' neke'ach'ab'aak chiru chixjunileb' li raaxiik'

Isaías 57:11

“K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Ezequiel 7:2

“At kaamel winq, jo'ka'in xye li Qaawa' reheb' li ralal xk'ajol laj Israel: Xwulak xkutankil li oso'k, ak xwulak xhonalil li roso'jik chixjunil li na'ajej a'in.

Daniel 4:4

Laa'in laj Nabukodonosor jwal sa sa' inch'ool ut k'ojk'o li waanm naq wankin chaq sa' xnimal ru li wochoch.

Éxodo 7:23

Laj Parahón kiq'ajk, kox'okaq sa' rochoch ut maak'a' kiraj wi' a'an.