Isaías 47:5 - Q'eqchi Bible

⁵ “K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Li Santil hu

⁵ —La̱ex aj Babilonia, cꞌojlankex ut mex-ecꞌan chic. Cana̱kex saꞌ kꞌojyi̱n xban nak ma̱cꞌaꞌ chic e̱cuanquil saꞌ xbe̱neb li xni̱nkal tenamit.

Isaías 47:5 ပူးပေါင်းရင်းမြစ်များ

Habacuc 2:20

A'ut li Qaawa' wank sa' li xsantil ochoch: maajun na'aatinak chiru A'an junsut junrub'el choxa!

Isaías 47:7

Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Apocalipsis 17:18

Ut li ixq xawil ru, a'an li Nimla Tenamit li wank xwankil sa' xb'eeneb' li awab'ej re li ruuchich'och'”.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Jeremías 25:10

Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Isaías 14:23

Tinsutq'isi li tenamit a'an cho'q xna'ajeb' li warom ut saab' ha'. Ut chanchan mesunb'il tinkanab' li na'ajej naq tinsach ru”, chan li Nimajwal Yos.

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Isaías 13:10

Eb' li chahim chiru choxa ink'a' chik te'saqeno'q ru, li saq'e taaq'oqyino'q ru chi junpaat ut li po ink'a' chik tixkutanob'resi li ruuchich'och'.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Salmos 31:17

Chak'ut taxaq xsahil aawu re laj k'anjel chawu ut chinaakol taxaq sa' xk'ab'a' laarahom!

1 Samuel 2:9

A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Isaías 23:2

Tz'uyinqex, ex aj yakonel re Sidón, laa'ex li wankex chire li palaw, nekexnume'k toj junpak'al a'an ut neketaqla laj k'anjel cheru, chiru li ha' k'ajo' xnimal.

Lamentaciones 2:10

Chunchuukeb' sa' ch'och' eb' li cheekel winq aj Sión, ch'anch'ookeb' aj chik; xe'xk'ehatq cha sa' xjolomeb' ut xe'xb'at rib' sa' saak. Ut eb' li tuq'ixq aj Jerusalén neke'xxulub' li xjolomeb' toj chiru ch'och'.