Isaías 47:4 - Q'eqchi Bible

⁴ Li Nimajwal Yos, li xSant laj Israel, laj Kolol qe kixye chi jo'ka'in:

Li Santil hu

⁴ Laj Colol ke, aꞌan li nimajcual Dios, lix santil Dios eb laj Israel. Naxye:

Isaías 47:4 ပူးပေါင်းရင်းမြစ်များ

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Isaías 43:14

Jo'ka'in kixye li Qaawa', li xSant laj Israel, li ki'ach'ab'ank eere: “Sa' xk'ab'a' leeraab'al wankeb' poyanam xeb'intaqla aran Babilonia; xinte chixjunileb' li tz'alam, ut li xsahil xch'ooleb' laj Kaldeha xkanaak cho'q rahilal.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Jeremías 31:11

Xb'aan naq li Qaawa' xkolok reheb' laj Israel, ut xrisiheb' chaq rub'el xwankil jun tenamit li q'axal kaw rib'.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Salmos 19:14

Chakol ajwi' laj k'anjel chawu chiru li q'etq'etil; ink'a' taxaq chiwanq xwankil sa' inb'een. Toja' naq maak'a'aq inq'usb'al ut ink'a' tint'ane'q sa' li maa'usilal.

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Isaías 43:15

Laa'in li Qaawa', laa'in leeSant, li kiyoob'tesink re Israel, laa'in li nin'awab'ejink eere”.

Isaías 51:15

“Laa'in li Qaawa', laaYos, naweek'asi ru li ha' ut nink'e chi pisk'ok li xkaw oq li palaw. Qaawa', li Nimajwal Yos, a'in link'ab'a'.