Isaías 45:3 - Q'eqchi Bible

³ Tink'e aawe eb' li sahil eechej wankeb' chi muqmu, jo' ajwi' chixjunil li b'ihomal ink'a' nawb'il, re naq taanaw naq laa'in li Qaawa', li xYos laj Israel, li ninb'oqok aawe rik'in laak'ab'a'.

Li Santil hu

³ Tinqꞌue a̱cue li terto xtzꞌak li xocxo chi mukmu. Tinkꞌaxtesi a̱cue re nak ta̱nau nak la̱in li Ka̱cuaꞌ. La̱in lix Dioseb laj Israel. La̱in li xinsicꞌoc a̱cuu re ta̱tenkꞌaheb lin tenamit.

Isaías 45:3 ပူးပေါင်းရင်းမြစ်များ

Isaías 48:15

Laa'in xin'aatinak rik'in, xinb'oq ut xink'am chaq re naq us taa'elq sa' li xb'aanuhom.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Éxodo 33:12

Kixye laj Moisés re li Qaawa': “Chak'e reetal. Laa'at xaye we: «Chak'am xb'eheb' li tenamit a'in»; ab'an ink'a' xak'ut chiwu ani taa'ochb'eeninq we. Xaye ajwi' naq sik'b'il wu aab'aan ut usilal xintaw chawu.

Éxodo 33:17

Kichaq'ok li Qaawa' ut kixye re laj Moisés: “Tinb'aanu ajwi' a'in li toja' xapatz' we, xb'aan naq usilal xataw chiwu ut k'ojk'o linch'ool chawix”.

Jeremías 50:37

Kamsihomaqeb' li kawaay ut juk'umaqeb' li b'eleb'aal ch'iich'; chisachmanq ruheb' li tojb'ileb' chi yalok ut che'yopirq jo'eb' li ixq. Chiweqmanq ut chi'elq'aaq li xb'ihomaleb'.

Jeremías 51:53

Us ta Babilonia tixnima chi us li xwankil ut taawulaq taraj toj sa' choxa li xsuttz'akil, laa'in tintaqlaheb' li te'juk'uq re”, chan li Qaawa'.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 41:23

Yehomaq resil li toxk'ulmanq moqon, re tqanaw naq laa'ex yosex. B'aanuhomaq junaq k'a'aq re ru, a' yaal ma chaab'il malaj ut ink'a', re naq ak wan wi' k'aru taaqil ut tooxiwaq xb'aan.

Jeremías 50:26

Chalqex chaq toj sa' najtil tenamit, tehomaqeb' li xk'uuleb'aal ut kanab'omaqeb' chi po'lem, re naq maak'a' chik tkanaaq re xpatz'b'aleb'.

Jeremías 51:13

At Babilonia li wankat chire xninqal nima' ut k'ajo' laab'ihomal, ak xwulak xkutankil laasachik; maajoq'e chik tat-elq'aq.

2 Crónicas 6:17

Ut anaqwan, at xYos laj Israel, chab'aanu li kayeechi'i re laj David linyuwa'.