Isaías 43:9 - Q'eqchi Bible

⁹ Xch'utub'aaq rib' chixjunileb' li poyanam, xjunajiiq rib' chixjunileb' li tenamit. Ani sa' xyanqeb' a'an xyehok resil a'in, malaj ak xyehom li kik'ulmank junxil? Xxaqab'aqeb' li xtestiiw li te'ch'olob'anq xyaalal chiqu, re naq te'ab'iiq ut tqaye: «Yaal a'an».

Li Santil hu

⁹ Chꞌutubomak li xni̱nkal ru tenamit. Chꞌutubomak chixjunileb li tenamit. ¿Ma cuan junak saꞌ xya̱nkeb li quiyehoc re li cꞌaꞌru ac xcꞌulman? ¿Ma cuan junak saꞌ xya̱nkeb li nanaꞌoc re li cꞌaꞌru toj ta̱cꞌulma̱nk? Cui cuan, chixcꞌamak li ani ta̱a̱tinak chirix re xcꞌutbal nak ya̱l li cꞌaꞌru tixye.

Isaías 43:9 ပူးပေါင်းရင်းမြစ်များ

Isaías 46:10

Laa'in ninye chi rub'elaj li taak'ulmanq moqon, ut ninye resil xb'enwa li toj maji' nak'ulmank. Laa'in ninye: Li k'uub'anb'il inb'aan taa'uxmanq; ut chixjunil li nawaj xb'aanunkil, tinb'aanu.

Joel 3:11

Seeb'omaq eerib' ut kimqex chejunilex li tenamit li nach' wankex, ut ch'utub'omaq eerib' sa' li xtaq'ahil Josafat. At Qaawa', taqlaheb' chaq li jwal kaweb' rib' chi yalok!

Isaías 43:26

Wi wank k'aru nakawaj wi' injitb'al, qawech'aq rix sa' li raqleb'aal aatin; tz'il rix chi us anaqwan re xnawb'al ani wank xmaak.

Isaías 41:1

Ch'anab'aq eek'ank, ex tenamit li wankatqex chire li palaw; kawaq eech'ool, ex tenamit. Jilonqex chaq re naq too'aatinaq chi us, qach'utub'aq qib' chiqajunilo chi raqok aatin.

Salmos 50:1

Xsaalm laj Asaf. Li Qaawa', li Yos q'axal nim xwankil, x'aatinak ut xb'oqeb' chi ch'utlaak chixjunil li ruuchich'och', chalen chaq sa' releb'l li saq'e toj sa' rokeb'l.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?

Isaías 34:1

Jilonqex chaq, ex tenamit, ut ab'ihomaq; k'ehomaq reetal chi us, ex poyanam. Ab'in, at ruuchich'och' ut chixjunil li wank chisa'; k'e reetal, at choxach'och' jo'wi' chixjunil li nayo'laak chiru.

Isaías 48:3

Li k'a'aq re ru ak xk'ulmank, junxil ak inyehom resil; rik'in xtz'uumal we kink'e chi nawe'k. Ut chi junpaat xinb'aanu, ut yaal naq xk'ulmank.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.