Isaías 43:3 - Q'eqchi Bible

³ Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Li Santil hu

³ La̱in li Ka̱cuaꞌ le̱ Dios. La̱in le̱ santil Dios la̱ex aj Israel. La̱in laj Colol e̱re. La̱in xinkꞌaxtesiheb laj Egipto chokꞌ e̱ru̱chil la̱ex ut xinqꞌueheb laj Etiopía ut laj Seba chokꞌ e̱re̱kaj.

Isaías 43:3 ပူးပေါင်းရင်းမြစ်များ

Isaías 60:16

Eb' li tenamit tate'xch'oolani chi chaab'il ut eb' li awab'ej te'xk'e aawe li xb'ihomaleb'; ut taanaw naq laa'in li Qaawa', laj Kolol aawe, li xNimajwal Yos laj Jakob, li xin'isink chaq aawe sa' laarahilal.

Isaías 45:15

Relik chi yaal naq laa'at li muqmuukil Yos, laa'at li xYos laj Israel, laj Kolonel.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Proverbios 21:18

Li ink'a' us xna'leb' ut laj b'alaq' te'rahob'tesiiq cho'q ruuchileb' li tiikeb' xch'ool ut li chaab'ileb' xyu'am.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

San Judas 1:25

a' li jun chi Yos aj Kolol qe, sa' xk'ab'a' li Jesukriist li Qaawa', a'an taxaq chiwanq xloq'al, li nimaak u, li x'awab'ejihom ut li xwankilal chalen chaq junxil, anaqwan ut junq'e junq'e kutan. Jo'kan taxaq.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Isaías 30:11

Elenqex chiqu ut meetaaqe chik li chaab'il b'e; ink'a' chik naqaj rab'inkil leeraatin chirix li xSant laj Israel”.

Proverbios 11:8

Li tiik xch'ool nakole'k chiru li rahilal, ut a' chik li ink'a' us xna'leb' nak'uluk re li ch'a'ajkilal.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 20:3

Chirix chik a'an li Qaawa' kixye: “Laj Isaías, laj k'anjel chiwu, xwank chi maak'a' raq' chi moko xxaab' chiru oxib' chihab', a'an reetalil ut resilal cho'q reheb' laj Ejiipt ut eb' laj Etiopía.

Éxodo 10:7

Toja' naq eb' laj k'anjel chiru laj Parahón ke'xye re: “Jo' najtil chik toxra'le li winq a'an? Kanab'eb' chi xik li tenamit a'in re naq te'xloq'oni li Qaawa' li xYoseb'. Ma toj maji' xataw ru naq yo chi oso'k li tenamit Ejiipt?”, chankeb'.

Génesis 10:7

A'aneb' a'in li ralal xk'ajol laj Kus: laj Sebá, laj Abilá, laj Sabtá, laj Rahamá ut laj Sabteká. Eb' li ralal xk'ajol laj Ramá a'aneb' laj Sebá ut laj Dedán.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

Isaías 19:20

A'anaq jun reetalil ut xpatz'b'al li Nimajwal Yos sa' xyanqeb' laj Ejiipt. Naq te'xpatz' xkolb'aleb' sa' ruq'eb' li neke'rahob'tesink reheb', li Qaawa' tixtaqla chaq jun aj kolonel li taatenq'anq reheb' ut tixkoleb'.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

Isaías 43:11

Ka'ajin wi' li Qaawa', ut maak'a' chik junaq aj kolonel chiwu.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 63:8

Li Qaawa' kixye: “Relik chi yaal naq a'aneb' lintenamit, a'aneb' li walal li maajoq'e tine'xb'alaq'i”. Ut A'an kikolok reheb'

Jeremías 14:8

Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.

Jeremías 16:21

“Jo'kan naq anaqwan tink'ut chiruheb' linloq'al ut linwankil, re naq te'xnaw naq Nimajwal Yos nink'ab'a'in”, chan li Qaawa'.

Ezequiel 39:7

Tink'e chi nawe'k linsantil k'ab'a' sa' xyanq lintenamit Israel, ut maajoq'e chik tinkanab' chi muxe'k link'ab'a'; ut eb' laj ab'l tenamit te'xnaw naq laa'in li Qaawa', li xSant laj Israel.

Amós 9:7

Jo'ka'in kixye li Qaawa': “Ex aj Israel, chiwu laa'in juntaq'eetex rik'ineb' laj Etiopía ut rik'ineb' chixjunileb' li tenamit. Jo' naq kexwisi chaq Ejiipt, jo'kan ajwi' naq kiwisiheb' laj Filistea aran Kreta ut eb' laj Aram kiwisiheb' chaq Kir.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.