Isaías 42:4 - Q'eqchi Bible

⁴ Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Li Santil hu

⁴ Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Isaías 42:4 ပူးပေါင်းရင်းမြစ်များ

Isaías 55:5

K'e reetal, taab'oqeb' li tenamit ink'a' aanawom ruheb', ut te'chalq aawik'in eb' li poyanam ink'a' xnawomeb' aawu sa' xk'ab'a' li Qaawa' laaYos, li xSant laj Israel, li xk'ehok aaloq'al.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

San Mateo 12:21

Ut rik'in a'an xaqxooq royb'enihomeb' li tenamit”.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 60:9

A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Isaías 42:12

Che'xnimaaq xloq'al li Qaawa', che'xpuktesiiq resil li xwankil toj sa'atqeb' li tenamit li wankatqeb' chire li palaw.

1 Corintios 9:21

Xinwank sa' xyanqeb' li maak'a'eb' xchaq'rab' chanchan wi' jo' li maak'a' inchaq'rab', re reechaninkileb' li ink'a' neke'xpaab' li chaq'rab', us ta ink'a' wankin chi maak'a' xchaq'rab' li Yos, wankin b'an rub'el xchaq'rab' li Kriist.

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 41:5

Ex tenamit li wankatqex chire li palaw, ilomaq ut chexxiwaq; chesiksiki eerib', ex xnub'ajlil li ruuchich'och'. Jilonqex chaq ut chalqex.

Isaías 40:28

Ma ink'a' nakanaw laa'at? Ma ink'a' aawab'ihom resil? Li Qaawa' a'an li Yos wank chi junelik; A'an kixaqab'ank re li xnub'ajlil li ruuchich'och'. Ink'a' nalub'k chi moko natawaak, ut maajun natz'ilok rix li xseeb'al xk'a'uxl.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 42:21

Li Qaawa' xraj xk'eeb'al xloq'al ut xwankil li xchaq'rab' sa' xk'ab'a' li xtiikilal xch'ool.

Isaías 51:4

“Ex intenamit, ab'ihomaqin; ex inpoyanam, k'ehomaq reetal li ok we xyeeb'al, xb'aan naq wik'in taa'elq li chaq'rab' ut lintaqlahom taakutanob'resinq re eb' li tenamit.

Isaías 51:5

Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Isaías 40:22

K'ojk'o chaq li Yos sa' xb'een li ruuchich'och', ut eb' li poyanam li wankatqeb' chisa' kama'eb' laj saak'. A'an xhelok re li choxa jo' junaq t'ilkem, ut xkupu ru jo' junaq muheb'aal re hilank chisa'.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

San Marcos 3:3

Li Jesus kixye re li winq chaqi li ruq': —Xaqlin ut k'e aawib' arin sa' yiib'ej.