Isaías 42:1 - Q'eqchi Bible

¹ A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Li Santil hu

¹ Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Isaías 42:1 ပူးပေါင်းရင်းမြစ်များ

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 52:13

Laj K'anjel chiwu jwal us taa'elq rik'in li k'aru tixb'aanu; nimaq xwankil ut taaterq'usiiq xloq'al, q'axal taanimaaq li xk'ab'a'.

Filipenses 2:7

kixmaak'a'i b'an rib' sa' xyu'am, kixk'am rib' kama' junaq moosej, kixk'am qach'och'el qasululel ut chanchan qech winqilal naq kixk'ut rib'.

Isaías 43:10

Laa'ex lintestiiw -chan li Qaawa'-; laa'ex aj k'anjelex chiwu ut insik'om chaq eeru re naq teenaw wu ut k'ojk'ooq leech'ool wik'in, ut teetaw xyaalal anihin laa'in. Maak'a' chik junaq yos chiwu laa'in, chi moko taawanq junaq chik moqon chiwix.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

1 Pedro 2:4

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Isaías 41:8

Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

1 Pedro 2:6

Xb'aan naq tz'iib'anb'il sa' li Santil Hu: “K'ehomaq reetal, aran Sión tink'e jun li pek re rub'elankil li kab'l: a'an sik'b'il ru ut q'axal loq'. Li taapaab'anq re ink'a' taab'alaq'iiq”.

Hechos 28:28

“Chenawaq b'i' naq li Yos naraj xkolb'aleb' li maawa'eb' aj Judiiy, ut eb' a'an relik chi yaal naq te'rab'i”.

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

San Lucas 9:35

Toja' naq kichalk jun xyaab' kuxej sa' li choql, kixye: “A'in li walal sik'b'il ru inb'aan. A'an cherab'ihaq”.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Hechos 11:18

Naq ke'rab'i a'in, eb' laj paab'anel aj Jerusalén ke'k'ojlaak xch'ool ut ke'xnima ru li Yos: —A'in naraj naxye naq li Yos xk'e ajwi' reheb' li maawa'eb' aj Judiiy naq te'xyot' xch'ool te'xjal xk'a'uxl ut te'ok sa' li yu'am, chankeb'.

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Isaías 32:16

Li tiikilal taa'uuchinq sa' li chaqich'och' ut li k'ulub'ej taawanq sa' li xna'aj li awimq;

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

San Lucas 4:19

ut xpuktesinkil jun santil chihab' sa' xk'ab'a' li Qaawa'”.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Isaías 41:9

Laa'in kin'isink chaq aawe toj sa' xmaril li ruuchich'och', katinb'oq chaq toj sa' li na'ajej jwal najt ut kinye aawe: “Laa'at aj k'anjel chiwu”. Laa'in insik'om chaq aawu ut ink'a' katintz'eqtaana.

Isaías 42:2

Ink'a' tixjap re chi aatinak chi moko taawech'inq; ink'a' taa'ab'iiq li xyaab' xkux sa' b'e.

Hageo 2:23

Sa' li kutan a'an -chan li Qaawa'- tinxaqab' laawankil, a Sorobabel, ralalat laj Salatiel, aj k'anjelat chiwu, ut jo'kaqat linmatq'ab' re kaaxtink; xb'aan naq laa'in xinsik'ok aawu, chan li Nimajwal Yos»”.

Salmos 72:4

Chixkol taxaq eb' li neb'a', chixtenq'aheb' li toq'ob'eb' ru ut chixsachaq xwankil li narahob'tesink reheb'.

Salmos 89:4

Xak'ojob' jun sumwank rik'in laj David sik'b'il ru aab'aan, xab'aanu jun jurament rik'in laj k'anjel chawu:

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.