Isaías 41:8 - Q'eqchi Bible

⁸ Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

Li Santil hu

⁸ Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Isaías 41:8 ပူးပေါင်းရင်းမြစ်များ

Santiago 2:23

Chi jo'kan kitz'aqlok ru li naxye li Santil Hu: “Laj Abrahán kixpaab' li Yos ut a'an kik'ehe'k sa' ajl cho'q xtiikilal xch'ool”. Jo'kan naq ramiiw li Yos kixk'ab'a'in.

2 Crónicas 20:7

At qaYos, laa'at kat-isink reheb' li wankeb' sa' li na'ajej a'in naq ke'ok arin eb' laj Israel laatenamit, ut kak'e chireechani chi junajwa re laj Abrahán laawamiiw.

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Isaías 51:2

K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.

Isaías 44:21

Jultikaq aawe, a Jakob, naq laa'at aj k'anjel chiwu; laa'at aj k'anjel chiwu xb'aan naq laa'in kinyoob'tesink aawe. Minsachk sa' laach'ool, a Israel.

Isaías 29:22

Jo'kan naq li Qaawa', li xYos laj Israel, li kikolok re laj Abrahán, naxye chi jo'ka'in: “Chalen anaqwan ink'a' chik te'kaqo'q xb'aan xxutaaneb' eb' li ralal xk'ajol laj Jakob:

Salmos 33:12

Us xaq re li tenamit li wank cho'q xYos li Qaawa', li tenamit sik'b'il ru cho'q reechanihom.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Salmos 135:4

Li Qaawa' kixsik' ru laj Jakob cho'q re xjunes; kixsik' ru laj Israel cho'q reechanihom.

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Isaías 48:12

“Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

San Mateo 3:9

ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

Isaías 63:16

Laa'at li qana' qayuwa'! Us ta laj Abrahán ink'a' nokooxk'e sa' xch'ool chi moko nokoojultiko'k re laj Israel, a'ut laa'at li qana' qayuwa', at Qaawa'; chalen chaq sa' xtiklajik laa'at laj kolol qe.

Isaías 49:3

Ut kixye we: “At Israel, laa'at laj k'anjel chiwu ut aawik'in tink'ut inloq'al”, chan.

Deuteronomio 10:15

Ab'an ka'ajwi' chirixeb' laana' laayuwa' xkoho xch'ool li Qaawa'; kixraheb' ut kixsik' ajwi' eeru laa'ex li ralal xk'ajoleb' sa' xyanq chixjunileb' li tenamit, jo' yookex chi rilb'al anaqwan.

Levítico 25:42

Xb'aan naq a'aneb' inmoos, laa'in kin'isink chaq reheb' aran Ejiipt, ut moko naru ta xk'ayinkileb' jo' na'uxk re junaq aj mun.

Salmos 105:6

ex riyajil laj Abrahán aj k'anjel chiru, ex ralal xk'ajol laj Jakob li sik'b'il ru xb'aan.

Gálatas 3:19

K'a' put aj e li Chaq'rab' chi jo'kanan? Xb'aan li q'etok aatin naq kik'eemank, toj reetal taak'ulunq li ralal laj Abrahán li kiyehe'k wi' li yeechi'om a'in. Li Chaq'rab' kixaqab'aak xwankil xb'aaneb' li ánjel ut xb'aan jun aj oksinel aatin.

Salmos 136:22

cho'q reechanihom laj Israel aj k'anjel chiru, li xnimal xrahom wank chi junelik!

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Isaías 42:19

Ani tawi' li mutz'? Ma ink'a' tawi' a' laj k'anjel chiwu? Maajun li q'axal tz'apxik jo' li xintaqla chi yehok esil, maajun li q'axal mutz' ut jwal tz'apxik jo' lintaql, jo' laj k'anjel chiwu laa'in li Qaawa'.

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Isaías 43:10

Laa'ex lintestiiw -chan li Qaawa'-; laa'ex aj k'anjelex chiwu ut insik'om chaq eeru re naq teenaw wu ut k'ojk'ooq leech'ool wik'in, ut teetaw xyaalal anihin laa'in. Maak'a' chik junaq yos chiwu laa'in, chi moko taawanq junaq chik moqon chiwix.

Isaías 45:4

Sa' xk'ab'a' xraab'al laj Jakob aj k'anjel chiwu, sa' xk'ab'a' laj Israel, sik'b'il ru inb'aan, xatinb'oq rik'in laak'ab'a' ut xinterq'usi laawankil us ta laa'at ink'a' nakanaw wu.

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob

1 Crónicas 16:13

ex riyajil laj Israel aj k'anjel chiru, ex ralal xk'ajol laj Jakob li sik'b'il ru xb'aan.

Salmos 136:21

Ut kixk'e li xch'och'eb' cho'q xna'aj li xtenamit, li xnimal xrahom wank chi junelik;