Isaías 41:4 - Q'eqchi Bible

⁴ Ani xk'uub'ank ut xb'aanunk re a'in? A' li xk'ehok xyu'ameb' li poyanam chalen chaq junxil: laa'in, li Qaawa', li junaj chirib'il, li xtiklajik ut li xraqik.

Li Santil hu

⁴ ¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

Isaías 41:4 ပူးပေါင်းရင်းမြစ်များ

Apocalipsis 22:13

Laa'in li Alfa ut li Omega, li xb'een ut li rosob'l, li xtiklajik ut li roso'jik”.

Isaías 48:12

“Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Isaías 41:26

Ani xyehok resil a'in chalen chaq sa' xtiklajik re naq xqanaw chiqajunilo? Ani ta xyehok chaq xb'enwa re raj naq xqaye laa'o naq yaal li yo chi xyeeb'al? Maajun eere laa'ex xyehok a'an chi moko xwank ani xk'ehok chi ab'iik; maajun eere x'ab'ink junaq aatin.

Isaías 46:10

Laa'in ninye chi rub'elaj li taak'ulmanq moqon, ut ninye resil xb'enwa li toj maji' nak'ulmank. Laa'in ninye: Li k'uub'anb'il inb'aan taa'uxmanq; ut chixjunil li nawaj xb'aanunkil, tinb'aanu.

Isaías 43:10

Laa'ex lintestiiw -chan li Qaawa'-; laa'ex aj k'anjelex chiwu ut insik'om chaq eeru re naq teenaw wu ut k'ojk'ooq leech'ool wik'in, ut teetaw xyaalal anihin laa'in. Maak'a' chik junaq yos chiwu laa'in, chi moko taawanq junaq chik moqon chiwix.

Hechos 17:26

“Rik'in jun chi winq kixyoob'tesi chixjunileb' li tenamit re naq te'wanq junsut junrub'el choxa. Kixxaqab' li saq'ehil ut li hab'alq'e, jo'wi' li xnub'ajlil li xna'ajeb' li tenamit b'arwi' te'hilanq,

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Isaías 42:24

Ani xkanab'ank chi elq'aak laj Jakob ut xq'axtesink chi rahob'tesiik laj Israel? Ma maawa' tab'i' li Qaawa' li xoomaakob'k chiru? Ink'a' xe'raj xyu'aminkil li raatin chi moko xpaab'ankil li xchaq'rab'.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Isaías 40:12

Ani xb'isok re li palaw chi k'utub' malaj xb'is li xnimal ru li choxa rik'in ruq'? Ani xxokok re chixjunil li pojtz' sa' junaq uk'al malaj xb'is eb' li tzuul ut eb' li b'ool sa' junaq peex?

Hechos 15:18

Raatin li Qaawa', li nab'aanunk re anaqwan li ak k'uub'k'u chalen chaq q'e kutan».

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Salmos 102:27

Eb' a'in te'oso'q, a'ut laa'at wankat chi junelik; chanchaneb' junaq t'ikr naq te'oso'q: laa'at tatjaloq reheb' jo' najale'k junaq aq'ej.

Isaías 41:3

A'an naraanilasiheb' chi maajun nach'i'ch'i'ink re, chanchan wi' naq ink'a' naxtoch' li ch'och' rik'ineb' li roq.

Isaías 43:13

Chalen chaq q'e kutan, ak laa'in chaq li Qaawa'. Maajun taakoloq eere sa' wuq'; maajun taaruuq chi xjuk'b'al li ninb'aanu laa'in”.

Salmos 102:28

A'ut laa'at a'anat ajwi' chi junelik: relik chi yaal naq malaajel ma'oso'jel laayu'am.

Isaías 41:20

re naq chixjunil li ruuchich'och' tixnaw, tixtaw ru ut tixnaw xyaalal naq laa'in li Qaawa' xinb'aanunk re a'in; laa'in li xSant laj Israel xinyoob'tesink re rik'in linwankil.