Isaías 41:29 - Q'eqchi Bible

²⁹ Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

Li Santil hu

²⁹ Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Isaías 41:29 ပူးပေါင်းရင်းမြစ်များ

Jeremías 5:13

Eb' li propeet yal chanchaneb' li iq', xb'aan naq maak'a' li raatin li Qaawa' rik'ineb'. Chiq'apliiq ta sa' xb'eeneb' li k'aru neke'xye”, chankeb'. Jo'kan naq li Nimajwal Yos kixye we chi jo'ka'in: “Xb'aan naq xe'xye chi jo'kan, laa'in tink'e li waatin chi xtz'uumal aawe jo'kaq li xam; ut li tenamit a'in chanchanaqeb' li si' naq te'oso'q xb'aan li raq'xam”.

Isaías 41:24

Ab'anan moko yosex ta ut maak'a' nekex'ok wi': maak'a' k'a' ru teeb'aanu. Tz'eqtaananb'ileb' chi junajwa eb' li neke'sik'ok eere.

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.

Jueces 18:17

Eb' li oob' chi aj k'ehol eetal ke'taqe'k, ke'ok ut ke'xxok li efod, li kok' jalam u jo'wi' li pak'b'il yos. Ab'an xaqxo laj tij chire li okeb'aal rochb'eeneb' li lajeek'aal xkab' o'q'ob' (600) chi winq wankeb' xch'iich'.

1 Samuel 12:21

Mexxik chirixeb' li maawa'eb' yos. Eb' a'an ink'a' neke'kolok ut maak'a' neke'ok wi', xb'aan naq yal k'oxlanb'ileb' yos.

Isaías 2:8

Xnujak ajwi' li xna'ajeb' chi jalanil yos, ut eb' li poyanam neke'xloq'oni ru li jalam u xe'xpak' rik'in ruq'eb'.

Isaías 17:8

Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Salmos 96:5

Maak'a' neke'ok wi' li xyoseb' li jalanil tenamit, ab'an li Qaawa' kixyiib' li choxach'och'.

Isaías 46:7

Neke'xk'am chi paqpo sa' xb'eeneb' xtel, neke'xxaqab' sa' xna'aj ut aran nakanaak chi junwaakaj; ink'a' na'elk sa' xna'aj. Us ta te'xjap reheb' chi xpatz'b'al xtenq'ankileb' chiru, ink'a' te'sumeeq chi moko te'kole'q chiru li rahilal.

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.