Isaías 41:25 - Q'eqchi Bible

²⁵ Xinsik' chaq ru sa' xjayal releb'l iq', ut yo chaq chi chalk; sa' xjayal releb'l li saq'e xinb'oq chaq rik'in li xk'ab'a'. A'an tixyeq'iheb' sa' roq eb' li awab'ej jo' li sulul, jo' naxb'aanu laj pak'onel naq naxyoq'le li seb' sa' roq.

Li Santil hu

²⁵ La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 41:25 ပူးပေါင်းရင်းမြစ်များ

Isaías 41:2

Ani xwaklesink chaq re li awab'ej a'an sa' releb'l saq'e, li junelik naq'axok u? Ani naq'axtesink re eb' li tenamit sa' ruq' ut naxkub'si xwankileb' li awab'ej? Pojtz' te'kanaaq xb'aan li xq'esnal ch'iich', ut kama'eb' li k'im naq te'cha'cha'iiq xb'aan li xsimaj.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

2 Samuel 22:43

Xinke'eb' jo' li pojtz' nak'ame'k xb'aan iq', chanchaneb' xseb'ul li b'e naq xeb'inyeq'i.

Zacarías 10:5

Jo'kaqeb' laj puub' li neke'xyeq'i li sulul sa' li yalok; te'yaloq xb'aan naq li Qaawa' na'ochb'eenink reheb', ut te'xkanab' sa' xutaan eb' li neke'b'eek chirix kawaay.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Isaías 45:13

Laa'in xinwaklesink re laj Siro chi q'axok u ut xintuqub' ru chixjunileb' li b'e chiru. A'an taayiib'anq wi' chik re lintenamit ut taarach'ab'eb' li wankeb' chaq sa' jalanil tenamit, chi ink'a' tixpatz' xtojb'al chi moko xq'ajkamunkil”, chan li Nimajwal Yos.

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Apocalipsis 16:12

Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.

Isaías 45:1

Jo'ka'in kixye li Qaawa' re laj Siro, sik'b'il ru xb'aan cho'q awab'ej: “Laa'in xatinch'ilo chawuq' re xk'eeb'aleb' li tenamit rub'el laawankil ut re xjuk'b'aleb' xwankil eb' li awab'ej. Laa'in xinte chixjunileb' li okeb'aal ut maajun chik taatz'ape'q chawu.

Jeremías 1:14

Toja' naq li Qaawa' kixye we: “Relik chi yaal naq sa' xjayal releb'l iq' taachalq li rahilal sa' xb'een chixjunil li tenamit a'in.