Isaías 41:22 - Q'eqchi Bible

²² Kimqex ut yehomaq qe k'aru taak'ulmanq. Ch'olob'omaq qe k'aru kik'ulmank junxil, ut laa'o took'oxlaq chirix a'an; yehomaq qe li chaalel chiqu re naq tqanaw k'aru toxkanaaq wi'.

Li Santil hu

²² Quimkex ut yehomak ke li cꞌaꞌru ta̱cha̱lk chiku mokon. Yehomak ke cꞌaꞌru quicꞌulman saꞌ xticlajic ut la̱o takaqꞌue kachꞌo̱l chixtaubal ru. Yehomak ke li cꞌaꞌru ta̱cꞌulma̱nk mokon re nak ac takanau.

Isaías 41:22 ပူးပေါင်းရင်းမြစ်များ

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?

Isaías 46:10

Laa'in ninye chi rub'elaj li taak'ulmanq moqon, ut ninye resil xb'enwa li toj maji' nak'ulmank. Laa'in ninye: Li k'uub'anb'il inb'aan taa'uxmanq; ut chixjunil li nawaj xb'aanunkil, tinb'aanu.

Isaías 44:7

Ma wank tab'i' junaq kama' laa'in? Chi'aatinaq anaqwan ut xyehaq xyaalal we. Ani xyehok resil chi junxilaj li k'aru taak'ulmanq moqon? Ani nayehok qe li k'a'aq re ru chaalel?

San Juan 16:14

A'an tixk'e inloq'al xb'aan naq tixk'ul li k'aru we ut tolxye resil eere.

San Juan 13:19

Ak ninye eere anaqwan, naq toj maji' nak'ulmank, re naq, jo'q'e taak'ulmanq, teepaab' naq Laa'inin.

Isaías 42:9

Ilomaq, li k'aru xinye chaq xb'enwa, ak xk'ulmank; anaqwan ak' esil chik tinye eere; tink'e chenaw naq toj maji' nak'ulmank”.

Isaías 41:26

Ani xyehok resil a'in chalen chaq sa' xtiklajik re naq xqanaw chiqajunilo? Ani ta xyehok chaq xb'enwa re raj naq xqaye laa'o naq yaal li yo chi xyeeb'al? Maajun eere laa'ex xyehok a'an chi moko xwank ani xk'ehok chi ab'iik; maajun eere x'ab'ink junaq aatin.

Isaías 48:3

Li k'a'aq re ru ak xk'ulmank, junxil ak inyehom resil; rik'in xtz'uumal we kink'e chi nawe'k. Ut chi junpaat xinb'aanu, ut yaal naq xk'ulmank.

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.