Isaías 41:2 - Q'eqchi Bible

² Ani xwaklesink chaq re li awab'ej a'an sa' releb'l saq'e, li junelik naq'axok u? Ani naq'axtesink re eb' li tenamit sa' ruq' ut naxkub'si xwankileb' li awab'ej? Pojtz' te'kanaaq xb'aan li xq'esnal ch'iich', ut kama'eb' li k'im naq te'cha'cha'iiq xb'aan li xsimaj.

Li Santil hu

² ¿Ani xqꞌuehoc re saꞌ xchꞌo̱l li jun li cuan saꞌ li este nak ta̱cꞌanjelak saꞌ ti̱quilal? Ut, ¿ani xkꞌaxtesin saꞌ rukꞌ li xni̱nkal ru tenamit? ¿Ani xqꞌuehoc re chi numta̱c saꞌ xbe̱neb li rey? Naxsach ruheb riqꞌuin xchꞌi̱chꞌ. Chanchaneb li poks chiru. Naxjeqꞌuiheb riqꞌuin lix tzimaj. Chanchaneb li qꞌuim li nacꞌameꞌ xban ikꞌ.

Isaías 41:2 ပူးပေါင်းရင်းမြစ်များ

Isaías 45:1

Jo'ka'in kixye li Qaawa' re laj Siro, sik'b'il ru xb'aan cho'q awab'ej: “Laa'in xatinch'ilo chawuq' re xk'eeb'aleb' li tenamit rub'el laawankil ut re xjuk'b'aleb' xwankil eb' li awab'ej. Laa'in xinte chixjunileb' li okeb'aal ut maajun chik taatz'ape'q chawu.

2 Samuel 22:43

Xinke'eb' jo' li pojtz' nak'ame'k xb'aan iq', chanchaneb' xseb'ul li b'e naq xeb'inyeq'i.

Isaías 46:11

Sa' xjayal releb'l saq'e xinb'oq chaq jun li winq, li taachalq chaq sa' jun najtil tenamit jo' li t'iw ut tixb'aanu chixjunil li wajom. Ak jo'kan xinye, ut jo'kan tinb'aanu; kama'an xink'uub', ut jo'kan naq taa'uxmanq.

Isaías 41:25

Xinsik' chaq ru sa' xjayal releb'l iq', ut yo chaq chi chalk; sa' xjayal releb'l li saq'e xinb'oq chaq rik'in li xk'ab'a'. A'an tixyeq'iheb' sa' roq eb' li awab'ej jo' li sulul, jo' naxb'aanu laj pak'onel naq naxyoq'le li seb' sa' roq.

Isaías 40:24

Chanchaneb' li kok' che' li toje' xe'awmank malaj xe'ch'ike'k sa' ch'och', ut toja' xe'ok xchapb'al xxe'. Wi li Qaawa' na'apunk sa' xb'eeneb', te'chaqiq, ut kama' li pim naq te'k'ame'q xb'aan li kaqsut-iq'.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Isaías 45:13

Laa'in xinwaklesink re laj Siro chi q'axok u ut xintuqub' ru chixjunileb' li b'e chiru. A'an taayiib'anq wi' chik re lintenamit ut taarach'ab'eb' li wankeb' chaq sa' jalanil tenamit, chi ink'a' tixpatz' xtojb'al chi moko xq'ajkamunkil”, chan li Nimajwal Yos.

2 Crónicas 36:23

“Jo'ka'in xye laj Siro, awab'ej re Persia: Li Qaawa', xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá. Jo'kan utan, chejunilex li xkomonex li xtenamit li Yos naru texxik aran. Ut li Qaawa' leeYos chiwanq taxaq eerik'in!”.

Hebreos 7:1

Laj Melkisedek a'an awab'ej re Salem ut aj tij chiru li Nimajwal Yos. Ki'elk chi xk'ulb'al laj Abrahán, ut kirosob'tesi naq a'in yo chaq chi sutq'iik chi ak xsacheb' chaq eb' li awab'ej.

2 Reyes 13:7

Laj Johakás kikanaak yal rik'in lajeeb' roxk'aal chi aj puub' neke'yalok chirix kawaay, jo'wi' rik'in lajeeb' chi b'eleb'aal ch'iich' ut lajeeb' mil laj puub' neke'b'eek chi roqeb', xb'aan naq li awab'ej re Aram kixq'ax ruheb' ut kixsacheb' chi junajwa li junch'ol chik chi aj puub', jo' na'uxk re li pojtz' naq nayeq'iik.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 11:31

Laj Téraj kixk'ameb' laj Abrán, li ralal, laj Lot, li ri, ralal laj Harán, ut lix Saray, li ralib', rixaqil laj Abrán, ut rochb'eeneb' naq ki'elk sa' li tenamit Ur, sa' xteepal Kaldeha, re taaxik Kanahán. Ut naq ke'wulak Harán, ke'kanaak aran.

Apocalipsis 7:2

Moqon kiwil jun chik li ánjel, yo chaq chi taqe'k sa' releb'l saq'e, wan chaq li xtz'apleb' li yo'yookil Yos rik'in. Ut kaw xyaab' xkux naq kixjap re chi xyeeb'al reheb' li kaahib' chi ánjel li ke'k'ehe'k xwankil chi xrahob'tesinkil li ruuchich'och' ut li palaw:

Apocalipsis 16:12

Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.

Isaías 41:3

A'an naraanilasiheb' chi maajun nach'i'ch'i'ink re, chanchan wi' naq ink'a' naxtoch' li ch'och' rik'ineb' li roq.

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Isaías 48:15

Laa'in xin'aatinak rik'in, xinb'oq ut xink'am chaq re naq us taa'elq sa' li xb'aanuhom.

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.