Isaías 41:18 - Q'eqchi Bible

¹⁸ Tinyoob'tesiheb' li nima' sa'eb' li t'ojoch aj tzuul, ut eb' li yu'amha' te'wanje'q chiruheb' li taq'a. Tinsutq'isi li chaqich'och' cho'q k'anha', ut taayo'laaq ha' sa' li joxk' na'ajej.

Li Santil hu

¹⁸ La̱in tinqꞌueheb chi be̱c rok li nimaꞌ saꞌ eb li tzu̱l. Ut tinqꞌueheb li yuꞌam haꞌ saꞌ li ru takꞌa. Li chaki chꞌochꞌ tinsukꞌisi chokꞌ xnaꞌaj haꞌ. Saꞌ li chaki chꞌochꞌ ta̱e̱lk li yuꞌam haꞌ.

Isaías 41:18 ပူးပေါင်းရင်းမြစ်များ

Salmos 107:35

Naxsutq'isi li chaqich'och' cho'q kaq'nab', ut li joxk' nakanaak chi yu'amha'.

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

Isaías 30:25

Sa' chixjunileb' li ninqi tzuul ut b'ool taawanq yu'amha' li ink'a' taachaqiq sa' xkutankil li nimla rahilal, naq te't'anje'q eb' li ochoch najteb' xteram.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Zacarías 14:8

Sa' li kutan a'an jun yu'amha' taayo'laaq Jerusalén: yiijach taaxik sa' li Atz'aminb'il Palaw ut yiijach taaxik sa' li palaw wank sa' xjayal rokeb'l saq'e; ut ink'a' taachaqiq sa' saq'ehil.

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 12:3

Chi sa sa' leech'ool teexok leeha' sa'eb' li xyo'leb'aal li kolb'a ib',

Isaías 48:21

Naq yookeb' chi nume'k sa' li chaqich'och', ink'a' ke'chaqik re; li Qaawa' kixk'eheb' ruk'a' naq kixjor li saqoonak ut ki'elk roq nima'.

Salmos 105:41

Kixjor li saqoonak, ut ki'elk chaq ha': kama' jun nima' kib'eek roq sa' li chaqich'och'.

Salmos 46:4

Us ta ch'oxb'aqeb' xyaab' li ha' naq te'pujk'uq chaq, us ta talaje'eek'anq li tzuul xb'aan xkawil oq li palaw, ab'an li Qaawa', li Nimajwal Yos, wank qik'in, li xYos laj Jakob a'an laj kolol qe.

Salmos 104:10

Sa' aak'ab'a' laa'at neke'b'ululnak li yu'amha' sa'eb' li taq'a, ut neke'numje'k sa' xyanqeb' li ninqi tzuul!

Isaías 33:21

Aran li Qaawa' tixk'ut chiqu li xnimal xloq'al. K'ajo'aq xk'ihal li nima' ut xninqal roq li ha' sa' li na'ajej, ab'an ink'a' te'nume'q aran eb' li ninqi jukub' b'eresinb'ileb' xb'aaneb' li xik' neke'ilok qe.

Isaías 35:1

Sahoqeb' li chaqich'och' ut li joxk' na'ajej! Chisaho'q li junesal na'ajej ut chinujaq chi uutz'u'uj;

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

Jueces 15:19

Toja' naq li Yos kix'itz' li jul li wank Lejí ut ki'elk chaq ha' aran. Naq ki'uk'ak laj Sansón, kik'ulunk xch'ool ut kikawuuk li roq ruq'. Jo'kan naq En-Hakoré kikanaak cho'q xk'ab'a' li yo'leb'aal ha' li wank Lejí, toj sa'eb' li kutan anaqwan.

Salmos 126:4

At Qaawa', chak'e wi' chik xsahil qach'ool kama' nakab'aanu reheb' li nima' sa' li chaqich'och'!