Isaías 41:17 - Q'eqchi Bible

¹⁷ Eb' li neb'a' ut li kub'enaqeb' xwankil neke'xsik' li ha', ab'an maak'a' neke'xtaw; xe'chaqik li ru'uj raq'eb' xb'aan li chaqi'eel. Ab'an laa'in li Qaawa' tintenq'aheb', laa'in li xYos laj Israel ink'a' tinkanab' xjuneseb'.

Li Santil hu

¹⁷ Eb li nebaꞌ li ma̱cꞌaꞌ cuan reheb nequeꞌxsicꞌ li haꞌ. Abanan ma̱ bar nequeꞌxtau. Chaki saꞌ li reheb xban chaki el. La̱in li Ka̱cuaꞌ. Tincuabi lix tijeb. Incꞌaꞌ tincanabeb xjunes xban nak la̱in lix Dioseb laj Israel.

Isaías 41:17 ပူးပေါင်းရင်းမြစ်များ

Isaías 55:1

“Chejunilex li nachaqik eere, kimqex chi uk'ak ha'. Us ta maak'a' eetumin, kimqex ut tzekanqex chi maatan; uk'umaq b'iin ut xya'al xtu' wakax, chi ink'a' teetoj.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

San Mateo 5:6

Us xaq reheb' li neke'tz'okaak ut neke'chaqik re, chi xsik'b'al li tiikilal, xb'aan naq eb' a'an te'k'ojlaaq xch'ool.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Apocalipsis 21:6

Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

2 Corintios 12:9

Ab'an a'an xye we: “Tz'aqal cho'q aawe li wusilal, xb'aan naq linwankil tz'aqal nak'utunk sa' xmajelal li metz'ew”. Jo'kan utan, chi anchal inch'ool toj tinnima wib' sa' xmajelal inmetz'ew, re naq taahilanq wik'in li xwankil li Kriist.

San Lucas 16:24

Toja' naq kixjap re chi xyeeb'al: «At inyuwa' Abrahán, chawuxtaana wu! Taqla chaq laj Lázaro ut xt'aqresihaq chaq li ru'uj ruq' re naq tolxkehob'resi li ru'uj waq', xb'aan naq q'axal ra wankin sa' li xam a'in».

San Mateo 5:3

“Us xaq reheb' li neb'a'eb' li xch'ool, xb'aan naq reheb' a'an li xnimajwal wankilal li choxa.

Lamentaciones 4:4

Li ru'uj raq' li k'uula'al toj natu'uk naxletz rib' sa' re xb'aan li chaqi'eel. Eb' li kok'al neke'xpatz' xwaheb', ab'an maa'ani nak'ehok reheb'.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Isaías 43:20

Eb' li josq' aj xul, eb' laj xojb' jo'wi' eb' laj tak' ra' te'xk'e inloq'al, xb'aan naq taayo'laaq li ha' sa' li chaqich'och' ut te'wanq nima' sa' li joxk' ch'och', re naq te'uk'aq lintenamit sik'b'ileb' ru inb'aan.

Salmos 94:14

Xb'aan naq li Qaawa' ink'a' tixtz'eqtaana li xtenamit, chi moko tixkanab' xjunes li reechanihom.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Salmos 34:6

Eb' li neke'xka'ya li Qaawa' taalemtz'unq li rilob'aaleb' kama' li saq'e; ink'a' te'kaqo'q xb'aaneb' xxutaan.

Salmos 22:15

Chanchanin li ha' yo chi hoye'k, b'oq'b'ileb' chixjunil linb'aqel; naq nach'inank linch'ool kama' aj chik li waakab'.

Éxodo 17:6

Laa'in wanqin chawu aran Horeb, sa' xb'een li nimla pek. Taasak' li raxpek ut taa'elq chaq ha' re naq te'uk'aq li tenamit”. Jo'kan kixb'aanu laj Moisés chiruheb' li xb'eenil laj Israel.

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Salmos 37:25

Sa' chaq insaajilal ut chalen anaqwan sa' intiixilal maajun wa wilom junaq tiik xch'ool tz'eqtaananb'il ta xb'aan li Yos, chi moko wab'ihom naq eb' li ralal xk'ajol xe'xlemooxni ta xwaheb'.

Salmos 74:21

Ink'a' taxaq xutaanal chi'elq li rahob'tesinb'il; che'xk'e taxaq xloq'al laak'ab'a' eb' li neb'a' ut li toq'ob'aal ruheb'.

Isaías 48:21

Naq yookeb' chi nume'k sa' li chaqich'och', ink'a' ke'chaqik re; li Qaawa' kixk'eheb' ruk'a' naq kixjor li saqoonak ut ki'elk roq nima'.

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

Isaías 65:24

Naq toj maji' neke'xpatz' link'ab'a', laa'in akaq xinsumeheb' chaq; toj maji' ajwi' neke'aatinak, laa'in akaq xwab'iheb'.

Ezequiel 47:8

Toja' naq kixye we: “Li ha' a'in naxik sa' xjayal releb'l saq'e, nakub'eek Arabá ut nokox'okaq sa' li Atz'aminb'il Palaw. Ut naq nawulak aran, chaab'il ha' chik nakanaak wi' li palaw.

1 Reyes 17:8

Toja' naq li Qaawa' kixye re laj Elías:

2 Crónicas 6:17

Ut anaqwan, at xYos laj Israel, chab'aanu li kayeechi'i re laj David linyuwa'.

Jeremías 31:25

Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.